DEVI · STOTRAM

Annapurna Stotram

అన్నపూర్ణాస్తోత్రమ్

Annapurna Stotram is a traditional Devi devotional reading. This page presents the full text of the linked Wikisource edition, with Telugu and IAST transliterations.

తెలుగు देवनागरी English (IAST)

|| annapūrṇāstotram || nityānandakarī varābhayakarī saundaryaratnākarī nirdhūtākhilaghorapāvanakarī pratyakṣamāheśvarī | prāleyācalavaṃśapāvanakarī kāśīpurādhīśvarī bhikṣāṃ dehi kṛpāvalambanakarī mātānnapūrṇeśvarī ||1|| nānāratnavicitrabhūṣaṇakarī hemāmbarāḍambarī muktāhāravilambamānavilasadvakṣojakumbhāntarī | kāśmīrāgurūvāsitā rucikarī kāśīpurādhīśvarī bhikṣāṃ dehi kṛpāvalambanakarī mātānnapūrṇeśvarī ||2|| yogānandakarī ripukṣayakarī dharmāthaniṣṭhākarī candrārkānalabhāsamānalaharī trailokyarakṣākarī | sarvaiśvaryasamastavāṃchanakarī kāśīpurādhīśvarī bhikṣāṃ dehi kṛpāvalambanakarī mātānnapūrṇeśvarī ||3|| kailāsācalakandarālayakarī gaurī umāśaṅkarī kaumārī nigamārthagocarakarī oṃkārabījākṣarī | mokṣavdārakapāṭapāṭanakarī kāśīpurādhīśvarī bhikṣāṃ dehi kṛpāvalambanakarī mātānnapūrṇeśvarī ||4|| dṛśyādṛśyavibhūtavāhanakarī bramhāṇḍabhāṇḍodarī līlānāṭakasūtrabhedanakarī vijñānadīpāṅkurī | śrīviśveśamanaḥprasādanakarī kāśīpurādhīśvarī bhikṣāṃ dehi kṛpāvalambanakarī mātānnapūrṇeśvarī ||5|| urvī sarvajaneśvarī bhagavatī mātānnapūrṇeśvarī veṇīnīlasamānakuntalaharī nityānnadāneśvarī | sarvānandakarī sadāśubhakarī kāśīpurādhīśvarī bhikṣāṃ dehi kṛpāvalambanakarī mātānnapūrṇeśvarī ||6|| ādikṣāntisamastavarṇanakarī śambhostribhāvākarī kāśmīrātripureśvarī trinayanī nityāṅkurā śarvarī | kāmākāṅkṣakarī janodayakarī kāśīpurādhīśvarī bhikṣāṃ dehi kṛpāvalambanakarī mātānnapūrṇeśvarī ||7|| devī sarvavicitraratnaracitā dākṣāyaṇī sundarī vāmā svādupayogadharapriyakarī saubhāgyamāheśvarī | bhaktābhīṣṭakarī daśāśubhaharī kāśīpurādhīśvarī bhikṣāṃ dehi kṛpāvalambanakarī mātānnapūrṇeśvarī ||8|| candrārkālayakoṭikoṭisadṛśā candrāṃśubimbādharī candrārkāgnisamānakuṃḍaladharī candrārkavarṇeśvarī | mālāpustakapāśasāṃkuśadharī kāśīpurādhīśvarī bhikṣāṃ dehi kṛpāvalambanakarī mātānnapūrṇeśvarī ||9|| kṣatratrāṇakarī mahā'bhayakarī mātā kṛpāsāgarī sākṣānmokṣakarī sadā śivakarī viśveśvarī śrīdharī | dakṣākrandakarī nirāmayakarī kāśīpurādhīśvarī bhikṣāṃ dehi kṛpāvalambanakarī mātānnapūrṇeśvarī ||10|| bhagavati bhavarogātpīḍitaṃ duṣkṛtotthāt sutaduhitṛkalatropadraveṇānuyātam | vilasadamṛtadṛṣṭyā vīkṣya vibhrāntacittaṃ sakalabhuvanamātastrāhi māmoṃ namaste ||11|| māheśvarīmāśritakalpavallīmahambhavocchedakarīṃ bhavānīṃm | kṣudhārtajāyātanayādyupetastvāmannapūrṇe śaraṇaṃ prapadye ||12|| dāridryadāvānaladahyamānaṃ pāhyannapūrṇe girirājakanye | kṛpāmbudhau majjaya māṃ tvadīye tvatpādapadmārpitacittavṛttim ||13|| annapūrṇe sadā pūrṇe śaṅkaraprāṇavallabhe | jñānavairāgyasiddhyarthaṃ bhikṣāṃ dehi ca pārvati ||14|| mātā ca pārvatī devī pitā devo maheśvaraḥ | bāndhavāḥ śivabhaktāśca svedeśo bhuvanatrayam ||15|| iti śrīmacchaṃkarācāryaviracitamannapūrṇāstotraṃ saṃpūrṇam | ānnapūrṇa devī

Reading & reflection

This hymn addresses Devi through devotional names and imagery. Begin with a quiet breath, read one verse at a time, and leave a short pause between stanzas.

Text edition & attribution

Complete text of अन्नपूर्णास्तोत्रम् on Sanskrit Wikisource, revision 180872, contributed by Wikisource editors. Text and generated transliterations are shared under CC BY-SA 4.0.

Changes: interface material removed, spacing normalized, and Telugu and IAST transliterations generated. The source may contain transcription variants; automated transliterations have not been independently proofread. No source verses have been intentionally shortened.