Home / Shiva / StotramSHIVA · STOTRAM
Ardhanarishwara Ashtakam
అర్ధనారీశ్వరాష్టకమ్
Ardhanarishwara Ashtakam is a traditional Shiva devotional reading. This page presents the full text of the linked Wikisource edition, with Telugu and IAST transliterations.
ardhanārīśvarāṣṭakam..
aṃbhodharaśyāmalakuntalāyai
taṭitprabhātāmrajaṭādharāya |
nirīśvarāyai nikhileśvarāya
namaḥ śivāyai ca namaḥ śivāya || 1||
pradīptaratnojvalakuṇḍalāyai
sphuranmahāpannagabhūṣaṇāya |
śivapriyāyai ca śivapriyāya
namaḥ śivāyai ca namaḥ śivāya || 2||
mandāramālākalitālakāyai
kapālamālāṅkitakandharāyai |
divyāmbarāyai ca digambarāya
namaḥ śivāyai ca namaḥ śivāya || 3||
kastūrikākuṅkumalepanāyai
śmaśānabhasmāttavilepanāya |
kṛtasmarāyai vikṛtasmarāya
namaḥ śivāyai ca namaḥ śivāya || 4||
pādāravindārpitahaṃsakāyai
pādābjarājatphaṇinūpurāya |
kalāmayāyai vikalāmayāya
namaḥ śivāyai ca namaḥ śivāya || 5||
prapañcasṛṣṭyunmukhalāsyakāyai
samastasaṃhārakatāṇḍavāya |
samekṣaṇāyai viṣamekṣaṇāya
namaḥ śivāyai ca namaḥ śivāya || 6||
praphullanīlotpalalocanāyai
vikāsapaṅkeruhalocanāya |
jagajjananyai jagadekapitre
namaḥ śivāyai ca namaḥ śivāya || 7||
antarbahiścordhvamadhaśca madhye
puraśca paścācca vidikṣu dikṣu |
sarvaṃ gatāyai sakalaṃ gatāya
namaḥ śivāyai ca namaḥ śivāya || 8||
ardhanārīśvarastotraṃ upamanyukṛtaṃ tvidam |
yaḥ paṭhecchṛṇuyādvāpi śivaloke mahīyate || 9||
|| iti upamanyukṛtaṃ ardhanārīśvarāṣṭakam ||
Reading & reflection
Shiva hymns use images of the Ganga, the moon, sacred ash, and stillness. Read at an unhurried pace and reflect on the images as you go.
Text edition & attribution
Complete text of अर्धनारीश्वराष्टकम् on Sanskrit Wikisource, revision 180905, contributed by Wikisource editors. Text and generated transliterations are shared under CC BY-SA 4.0.
Changes: interface material removed, spacing normalized, and Telugu and IAST transliterations generated. The source may contain transcription variants; automated transliterations have not been independently proofread. No source verses have been intentionally shortened.