GANESHA · STOTRAM

Ganesha Pancharatnam

గణేశపఞ్చరత్నమ్

Ganesha Pancharatnam is a traditional Ganesha devotional reading. This page presents the full text of the linked Wikisource edition, with Telugu and IAST transliterations.

తెలుగు देवनागरी English (IAST)

|| śrīḥ || || gaṇeśapañcaratnam || mudā karāttamodakaṃ sadā vimuktisādhakaṃ kalādharāvataṃsakaṃ vilāsilokarakṣakam | anāyakaikanāyakaṃ vināśitebhadaityakaṃ natāśubhāśunāśakaṃ namāmi taṃ vināyakam || 1 || natetarātibhīkaraṃ navoditārkabhāsvaraṃ namatsurārinirjaraṃ natādhikāpaduddharam | sureśvaraṃ nidhīśvaraṃ gajeśvaraṃ gaṇeśvaraṃ maheśvaraṃ tamāśraye parātparaṃ nirantaram || 2 || samastalokaśaṃkaraṃ nirastadaityakuñjaraṃ daretarodaraṃ varaṃ varebhavaktramakṣaram | kṛpākaraṃ kṣamākaraṃ mudākaraṃ yaśaskaraṃ manaskaraṃ namaskṛtāṃ namaskaromi bhāsvaram || 3 || akiṃcanārtimārjanaṃ cirantanoktibhājanaṃ purāripūrvanandanaṃ surārigarvacarvaṇam | prapañcanāśabhīṣaṇaṃ dhanañjayādibhūṣaṇaṃ kapoladānavāraṇaṃ bhaje purāṇavāraṇam || 4 || nitāntakāntadantakāntimantakāntakātmajam acintyarūpamantahīnamantarāyakṛntanam | hṛdantare nirantaraṃ vasantameva yogināṃ tamekadantameva taṃ vicintayāmi santatam || 5 || mahāgaṇeśapañcaratnamādareṇa yo'nvahaṃ prajalpati prabhātake hṛdi smarangaṇeśvaram | arogatāmadoṣatāṃ susāhitīṃ suputratāṃ samāhitāyuraṣṭabhūtimabhyupaiti so'cirāt || 6 ||

Reading & reflection

Ganesha hymns are often read at the beginning of a new undertaking. Settle your attention before reciting, and allow a brief pause at the end of each verse.

Text edition & attribution

Complete text of गणेशपञ्चरत्नम् (मूलसहितम्) on Sanskrit Wikisource, revision 289299, contributed by Wikisource editors. Text and generated transliterations are shared under CC BY-SA 4.0.

Changes: interface material removed, spacing normalized, and Telugu and IAST transliterations generated. The source may contain transcription variants; automated transliterations have not been independently proofread. No source verses have been intentionally shortened.