GAYATRI · STOTRAM

Gayatri Ashtakam

గాయత్ర్యష్టకమ్

Gayatri Ashtakam is a traditional Gayatri devotional reading. This page presents the full text of the linked Wikisource edition, with Telugu and IAST transliterations.

తెలుగు देवनागरी English (IAST)

<poem> విశ్వామిత్రపఃఫలాం ప్రియతరాం విప్రాలిసంసేవితాం నిత్యానిత్యవివేకదాం స్మితముఖీం ఖణ్డేన్దుభూషోజ్జ్వలామ్ . తామ్బూలారుణభాసమానవదనాం మార్తాణ్డమధ్యస్థితాం గాయత్రీం హరివల్లభాం త్రిణయనాం ధ్యాయామి పఞ్చాననామ్ .. ౧ .. జాతీపఙ్కజకేతకీకువలయైః సంపూజితాఙ్ఘ్రిద్వయాం తత్త్వార్థాత్మికవర్ణపఙ్క్తిసహితాం తత్త్వార్థబుద్ధిప్రదామ్ . ప్రాణాయామపరాయణైర్బుధజనైః సంసేవ్యమానాం శివాం గాయత్రీం హరివల్లభాం త్రిణయనాం ధ్యాయామి పఞ్చాననామ్ .. ౨ .. మఞ్జీరధ్వనిభిః సమస్తజగతాం మఞ్జుత్వసంవర్ధనీం విప్రప్రేఙ్ఖితవారివారితమహారక్షోగణాం మృణ్మయీమ్ . జప్తుః పాపహరాం జపాసుమనిభాం హంసేన సంశోభితాం గాయత్రీం హరివల్లభాం త్రిణయనాం ధ్యాయామి పఞ్చాననామ్ .. ౩ .. కాఞ్చీచేలవిభూషితాం శివమయీం మాలార్ధమాలాదికాన్ బిభ్రాణాం పరమేశ్వరీం శరణదాం మోహాన్ధబుద్ధిచ్ఛిదామ్ . భూరాదిత్రిపురాం త్రిలోకజననీమధ్యాత్మశాఖానుతాం గాయత్రీం హరివల్లభాం త్రిణయనాం ధ్యాయామి పఞ్చాననామ్ .. ౪ .. ధ్యాతుర్గర్భకృశానుతాపహరణాం సామాత్మికాం సామగాం సాయంకాలసుసేవితాం స్వరమయీం దూర్వాదలశ్యామలామ్ . మాతుర్దాస్యవిలోచనైకమతిమత్ఖేటీన్ద్రసంరాజితాం గాయత్రీం హరివల్లభాం త్రిణయనాం ధ్యాయామి పఞ్చాననామ్ .. ౫ .. సంధ్యారాగవిచిత్రవస్త్రవిలసద్విప్రోత్తమైః సేవితాం తారాహీరసుమాలికాం సువిలసద్రత్నేన్దుకుమ్భాన్తరామ్ . రాకాచన్ద్రముఖీం రమాపతినుతాం శఙ్ఖాదిభాస్వత్కరాం గాయత్రీం హరివల్లభాం త్రిణయనాం ధ్యాయామి పఞ్చాననామ్ .. ౬ .. వేణీభూశితమాలకధ్వనికరైర్భృఙ్గైః సదా శోభితాం తత్త్వజ్ఞానరసాయనజ్ఞరసనాసౌధభ్రమద్భ్రామరీమ్ . నాసాలంకృతమౌక్తికేన్దుకిరణైః సాయంతమశ్ఛేదినీం గాయత్రీం హరివల్లభాం త్రిణయనాం ధ్యాయామి పఞ్చాననామ్ .. ౭ .. పాదాబ్జాన్తరరేణుకుఙ్కుమలసత్ఫాలద్యురామావృతాం రమ్భానాట్యవిలోకనైకరసికాం వేదాన్తబుద్ధిప్రదామ్ . వీణావేణుమృదఙ్గకాహలరవాన్ దేవైః కృతాఞ్ఛృణ్వతీం గాయత్రీం హరివల్లభాం త్రిణయనాం ధ్యాయామి పఞ్చాననామ్ .. ౮ .. హత్యాపానసువర్ణతస్కరమహాగుర్వఙ్గనాసంగమాన్ దోషాఞ్ఛైలసమాన్ పురందరసమాః సంచ్ఛిద్య సూర్యోపమాః . గాయత్రీం శ్రుతిమాతురేకమనసా సంధ్యాసు యే భూసురా జప్త్వా యాన్తి పరాం గతిం మనుమిమం దేవ్యాః పరం వైదికాః .. ౯ .. ఇతి శ్రీమత్పరమహంసపరివ్రాజకాచార్య శ్రీమచ్ఛంకరాచార్యవిరచితం గాయత్ర్యష్టకం సంపూర్ణమ్ <poem>

Reading & reflection

This hymn addresses Gayatri through devotional names and imagery. Begin with a quiet breath, read one verse at a time, and leave a short pause between stanzas.

Text edition & attribution

Complete text of गायत्र्यष्टकम् (शङ्कराचार्यकृतम्) on Sanskrit Wikisource, revision 56889, contributed by Wikisource editors. Text and generated transliterations are shared under CC BY-SA 4.0.

Changes: interface material removed, spacing normalized, and Telugu and IAST transliterations generated. The source may contain transcription variants; automated transliterations have not been independently proofread. No source verses have been intentionally shortened.