SARASWATI · STOTRAM

Sharada Bhujanga Stotram

శారదాభుజఙ్గస్తోత్రమ్

Sharada Bhujanga Stotram is a traditional Saraswati devotional reading. This page presents the full text of the linked Wikisource edition, with Telugu and IAST transliterations.

తెలుగు देवनागरी English (IAST)

||śāradābhujaṅgaprayātāṣṭakam‌|| suvakṣojakumbhāṃ sudhāpūrṇakambhāṃ prasādāvalambāṃ prapuṇyāvalambām‌ | sadāsyendubimbāṃ sadānoṣṭhabimbāṃ bhaje śāradāmbāmajasraṃ madambām‌||1|| kaṭākṣe dayārdrāṃ kare jñānamudrāṃ kalābhirvinidrāṃ kalāpaiḥ subhadrām‌ | purastrīṃ vinidrāṃ purastuṅgabhadrāṃ bhaje śāradāmbāmajasraṃ madambām‌ ||2|| lalāmāṅkaphālāṃ lasadgānalolāṃ svabhaktaikapālāṃ yaśaḥśrīkapolām‌ | kare tvakṣamālāṃ kanatpratnalolāṃ bhaje śāradāmbāmajasraṃ madambām‌ ||3|| susīmantaveṇīṃ dṛśā nirjitaiṇīṃ ramatkīravāṇīṃ namadvajrapāṇīm‌ | sudhāmantharāsyāṃ mudā cintyaveṇīṃ bhaje śāradāmbāmajasraṃ madambām ‌||4|| suśāntāṃ sudehāṃ dṛgante kacāntāṃ lasatsallatāṅgīmanantāmacintyām‌ | smṛtāṃ tāpasaiḥ sargapūrvasthitāṃ tāṃ bhaje śāradāmbāmajasraṃ madambām‌ ||5|| kuraṅge turaṅge mṛgendre khagendre marāle madebhe mahokṣe'dhirūḍhām‌ | mahatyāṃ navamyāṃ sadā sāmarūpāṃ bhaje śāradāmbāmajasraṃ madambām‌ ||6|| jvalatkāntivahniṃ jaganmohanāṅgīṃ bhaje mānasāmbhojasubhrāntabhṛṅgīm‌ | nijastotrasaṃgītanṛtyaprabhāṅgīm‌ bhaje śāradāmbāmajasraṃ madambām‌ ||7|| bhavāmbhojanetrājasampūjyamānāṃ lasanmandahāsaprabhāvaktracihnām‌ | calaccañcalācārutāṭaṅkakarṇāṃ bhaje śāradāmbāmajasraṃ madambām‌ ||8|| ||iti śrīmatparamahaṃsaparivrājakācāryasya śrīgovindabhagavatpūjyapādaśiṣyasya śrīmacchaṅkarabhagavataḥ kṛtau śāradābhujaṅgaprayātāṣṭakam||

Reading & reflection

This hymn addresses Saraswati through devotional names and imagery. Begin with a quiet breath, read one verse at a time, and leave a short pause between stanzas.

Text edition & attribution

Complete text of शारदाभुजङ्गस्तोत्रम् on Sanskrit Wikisource, revision 38055, contributed by Wikisource editors. Text and generated transliterations are shared under CC BY-SA 4.0.

Changes: interface material removed, spacing normalized, and Telugu and IAST transliterations generated. The source may contain transcription variants; automated transliterations have not been independently proofread. No source verses have been intentionally shortened.