Argala Stotram

అర్గలాస్తోత్రమ్ .. ఓం అస్య శ్రీఅర్గలాస్తోత్రమన్త్రస్య విష్ణుర్ఋషిః, అనుష్టుప్ ఛన్దః, శ్రీమహాలక్ష్మీర్దేవతా శ్రీజగదమ్బాప్రీతయే సప్తశతీపాఠాఙ్గత్వేన జపే వినియోగః। .. శ్రీ.. శ్రీచణ్డికాధ్యానమ్ ఓం బన్ధూకకుసుమాభాసాం పఞ్చముణ్డాధివాసినీమ్ . స్ఫురచ్చన్ద్రకలారత్నముకుటాం ముణ్డమాలినీమ్ .. త్రినేత్రాం రక్తవసనాం పీనోన్నతఘటస్తనీమ్ . పుస్తకం చాక్షమాలాం చ వరం చాభయకం క్రమాత్ .. దధతీం సంస్మరేన్నిత్యముత్తరామ్నాయమానితామ్ . అథవా యా చణ్డీ మధుకైటభాదిదైత్యదలనీ యా మాహిషోన్మూలినీ యా ధూమ్రేక్షణచణ్డముణ్డమథనీ యా రక్తబీజాశనీ . శక్తిః శుమ్భనిశుమ్భదైత్యదలనీ యా సిద్ధిదాత్రీ పరా సా దేవీ నవకోటిమూర్తిసహితా మాం పాతు విశ్వేశ్వరీ .. అథ అర్గలాస్తోత్రమ్ ఓం నమశ్వణ్డికాయై మార్కణ్డేయ ఉవాచ . ఓం జయ త్వం దేవి చాముణ్డే జయ భూతాపహారిణి . జయ సర్వగతే దేవి కాలరాత్రి నమోఽస్తు తే .. ౧.. జయన్తీ మఙ్గలా కాలీ భద్రకాలీ కపాలినీ . దుర్గా శివా క్షమా ధాత్రీ స్వాహా స్వధా నమోఽస్తు తే .. ౨.. మధుకైటభవిధ్వంసి విధాతృవరదే నమః . రూపం దేహి జయం దేహి యశో దేహి ద్విషో జహి .. ౩.. మహిషాసురనిర్నాశి భక్తానాం సుఖదే నమః . రూపం దేహి జయం దేహి యశో దేహి ద్విషో జహి .. ౪.. ధూమ్రనేత్రవధే దేవి ధర్మకామార్థదాయిని . రూపం దేహి జయం దేహి యశో దేహి ద్విషో జహి .. ౫.. రక్తబీజవధే దేవి చణ్డముణ్డవినాశిని . రూపం దేహి జయం దేహి యశో దేహి ద్విషో జహి .. ౬.. నిశుమ్భశుమ్భనిర్నాశి త్రిలోక్యశుభదే నమః . రూపం దేహి జయం దేహి యశో దేహి ద్విషో జహి .. ౭.. వన్దితాఙ్ఘ్రియుగే దేవి సర్వసౌభాగ్యదాయిని . రూపం దేహి జయం దేహి యశో దేహి ద్విషో జహి .. ౮.. అచిన్త్యరూపచరితే సర్వశత్రువినాశిని . రూపం దేహి జయం దేహి యశో దేహి ద్విషో జహి .. ౯.. నతేభ్యః సర్వదా భక్త్యా చాపర్ణే దురితాపహే . రూపం దేహి జయం దేహి యశో దేహి ద్విషో జహి .. ౧౦.. స్తువద్భ్యో భక్తిపూర్వం త్వాం చణ్డికే వ్యాధినాశిని . రూపం దేహి జయం దేహి యశో దేహి ద్విషో జహి .. ౧౧.. చణ్డికే సతతం యుద్ధే జయన్తి పాపనాశిని . రూపం దేహి జయం దేహి యశో దేహి ద్విషో జహి .. ౧౨.. దేహి సౌభాగ్యమారోగ్యం దేహి దేవి పరం సుఖమ్ . రూపం దేహి జయం దేహి యశో దేహి ద్విషో జహి .. ౧౩.. విధేహి దేవి కల్యాణం విధేహి విపులాం శ్రియమ్ . రూపం దేహి జయం దేహి యశో దేహి ద్విషో జహి .. ౧౪.. విధేహి ద్విషతాం నాశం విధేహి బలముచ్చకైః . రూపం దేహి జయం దేహి యశో దేహి ద్విషో జహి .. ౧౫.. సురాసురశిరోరత్ననిఘృష్టచరణేఽమ్బికే . రూపం దేహి జయం దేహి యశో దేహి ద్విషో జహి .. ౧౬.. విద్యావన్తం యశస్వన్తం లక్ష్మీవన్తఞ్చ మాం కురు . రూపం దేహి జయం దేహి యశో దేహి ద్విషో జహి .. ౧౭.. దేవి ప్రచణ్డదోర్దణ్డదైత్యదర్పనిషూదిని . రూపం దేహి జయం దేహి యశో దేహి ద్విషో జహి .. ౧౮.. ప్రచణ్డదైత్యదర్పఘ్నే చణ్డికే ప్రణతాయ మే . రూపం దేహి జయం దేహి యశో దేహి ద్విషో జహి .. ౧౯.. చతుర్భుజే చతుర్వక్త్రసంసుతే పరమేశ్వరి . రూపం దేహి జయం దేహి యశో దేహి ద్విషో జహి .. ౨౦.. కృష్ణేన సంస్తుతే దేవి శశ్వద్భక్త్యా సదామ్బికే . రూపం దేహి జయం దేహి యశో దేహి ద్విషో జహి .. ౨౧.. హిమాచలసుతానాథసంస్తుతే పరమేశ్వరి . రూపం దేహి జయం దేహి యశో దేహి ద్విషో జహి .. ౨౨.. ఇన్ద్రాణీపతిసద్భావపూజితే పరమేశ్వరి . రూపం దేహి జయం దేహి యశో దేహి ద్విషో జహి .. ౨౩.. దేవి భక్తజనోద్దామదత్తానన్దోదయేఽమ్బికే . రూపం దేహి జయం దేహి యశో దేహి ద్విషో జహి .. ౨౪.. భార్యాం మనోరమాం దేహి మనోవృత్తానుసారిణీమ్ . రూపం దేహి జయం దేహి యశో దేహి ద్విషో జహి .. ౨౫.. తారిణి దుర్గసంసారసాగరస్యాచలోద్భవే . రూపం దేహి జయం దేహి యశో దేహి ద్విషో జహి .. ౨౬.. ఇదం స్తోత్రం పఠిత్వా తు మహాస్తోత్రం పఠేన్నరః . సప్తశతీం సమారాధ్య వరమాప్నోతి దుర్లభమ్ .. ౨౭.. .. ఇతి శ్రీమార్కణ్డేయపురాణే అర్గలాస్తోత్రం సమాప్తమ్ .. టిప్పణీ మార్కణ్డేయ ఉవాచ । “బ్రహ్మన్ కేన ప్రకారేణ దుర్గామాహాత్మ్యముత్తమం । శీఘ్రం సిద్ధ్యతి తత్సర్వ్వం కథయస్వ మహాప్రభో ॥ బ్రహ్మోవాచ । అర్గలం కీలకఞ్చాదౌ పఠిత్వా కవచం పఠేత్ । జపేత్ సప్తశతీం పశ్చాత్ క్రమ ఏష శివోదితః ॥ అర్గలం దురితం హన్తి కీలకం ఫలదం తథా । కవచం రక్షతే నిత్యం చణ్డికా త్రితయం దిశేత్ ॥ అర్గలం హృదయే యస్య స చానర్గలవాక్ సదా । కీలకం హృదయే యస్య వశకీలితమానసః ॥ కవచం హృదయే యస్య స వజ్రహృదయః ఖలు । బ్రహ్మణా నిర్మ్మితం పూర్వ్వం వినిశ్చిత్యాపి చేతసా” ॥ - శబ్దకల్పద్రుమః యశో దేహి ద్విషో జహి సాధనాకాలే యే స్వాభావికవృత్తయః పరివర్తనతః ద్వేషం కుర్వన్తి (యథా మృత్యోః భయః), సోమయాగే తేషాం పరివర్తనాయ అచ్ఛావాకసంజ్ఞకః ఋత్విక్ ఉత్తరదాయీ భవతి। తాణ్డ్యబ్రాహ్మణే ౨౫.౧౮.౪ యశః అచ్ఛావాకః ఋత్విక్ అస్తి, ఇతి ఉల్లేఖమస్తి। అయం సంకేతమస్తి యత్ అచ్ఛావాకస్య యశేన సహ కోపి ప్రగాఢసమ్బన్ధః అస్తి। యశస్య పూర్వరూపం యక్షః అస్తి, ఇతి ప్రతీయతే। యక్ష అర్థాత్ అచేతనచేతనాయాః భద్రచేతనాయాం రూపాన్తరణమ్। యక్షస్య కార్యం విరూప అథవా అరూప స్థితితః రూపప్రాప్తిః అపి అస్తి। యది అర్గలా అర్కలాశబ్దస్య పరోక్షం రూపమస్తి, తర్హి అర్కశబ్దోపరి టిప్పణీ పఠనీయమస్తి।