Durga Stuti

<poem> నమామి దేవీం కమలాయతాక్షీం సురేన్ద్రబృన్దాది నతాంఘ్రియుగ్మామ్ । సమున్నతాశేషసురప్రపాలినీం నమామి దుర్గాం దురితాపహన్త్రీమ్ ।। ౧ ।। కిరీటకోట్యుల్లిఖితాబ్జపాదాం మనోజవాం తాం పరమేశభామినీమ్ । శశాంకరేఖాన్వితమస్తకాగ్రాం సురేశ్వరీం తాం ప్రణమామి దుర్గామ్ ।। ౨ ।। మూలశ్రీభైరవాత్మత్రివిధపదమహాదేవతాభిః పరీతే దివ్యే సింహాసనేన్ద్రే స్థితమఖిలకలాబోధకం దేశికేశమ్ । తస్యాఙ్కే సన్నిషణ్ణామరుణరుచిచయా రఞ్జితాశావకాశాం దేవీమానన్దపూర్ణామమృతకరతలామాశ్రయేఽభీష్టసిద్ధ్యై ।। ౩ ।। కల్పాన్తానలకోటికోటిసదృశం ఘోరం త్రిశూలాయుధం పాణిభ్యాం పరిగృహ్య పఞ్చవదనస్కన్ధేఽధిరుహ్య స్థితామ్ । విశ్వాసావృతవీరశక్తివివిధక్రీడావిశేషారవైః తత్తత్క్షుద్రసమస్తశత్రునివహాం వన్దే మహాశూలినీమ్ ।। ౪ ।। భాసాకున్దశశాఙ్కశంఖసదృశాం కణ్ఠీరవాధ్యాసినీం కోదాణ్డేషుకపాలపుస్తకజపస్రక్ శూలదానాభయామ్ । సర్వేశీం నిఖిలాఘసంఘశమనీం భక్తానుకమ్పాపరాం దేవీం విశ్వమనోరథైకవరదాం ధ్యాయేత్పరామమ్బికామ్ ।। ౫ ।। మేఘశ్యామలకోమలాం స్మితముఖీం సింహాసనాం శాఙ్కరీం చాపజ్యోద్గతవారుణాస్త్రగలితైరాపూరితాశాష్టకైః । తోయైర్భక్తవిరుద్ధసైనికగణం సంస్తమ్భయన్త్యన్వహం విశ్వాకారనియాపనం విదధతీం ధ్యాయేన్మహాశూలినీమ్ ।। ౬ ।। ఆరుహ్య సింహమసిఖేటరథాఙ్గశంఖ- చాపేష్వభీతివరదాఙ్కుశపాశహస్తా । పథ్యగ్రతస్సకలవైరిమదాపహయ గచ్ఛానిశం విజయశూలిని విశ్వభూత్యై ।। ౭ ।। విశ్వజ్యోతిప్రకాశే వివిధతనుమయే విశ్వహృత్పద్మవాసే విశ్వవ్యాపారభేదానుగుణవివిధైర్విశ్వశిక్షైకదక్షే । విశ్వద్రోహం క్షమస్వాఖిలవిధదురితం నాశయత్వాశు శశ్వత్ త్రాహి శ్రీశూలినీశే సహజకరుణయా సన్తతం సన్నిధేహి ।। ౮ ।। <poem>