Ganapati Atharvashirsha

॥ శ్రీ గణపత్యథర్వశీర్ష ॥ ॥ శాన్తి పాఠ ॥ ఓం భద్రం కర్ణేభిః శృణుయామ దేవాః । భద్రం పశ్యేమాక్షభిర్యజత్రాః ॥ స్థిరైరఙ్గైస్తుష్టువాంసస్తనూభిః । వ్యశేమ దేవహితం యదాయుః ॥ ఓం స్వస్తి న ఇన్ద్రో వృద్ధశ్రవాః । స్వస్తి నః పూషా విశ్వవేదాః ॥ స్వస్తినస్తార్క్ష్యో అరిష్టనేమిః । స్వస్తి నో బృహస్పతిర్దధాతు ॥ ఓం తన్మామవతు తద్ వక్తారమవతు అవతు మామ్ అవతు వక్తారమ్ । ఓం శాన్తిః శాన్తిః శాన్తిః ॥ ॥ ఉపనిషత్ ॥ హరిః ఓం నమస్తే గణపతయే । త్వమేవ ప్రత్యక్షం తత్త్వమసి ॥ త్వమేవ కేవలం కర్తాఽసి । త్వమేవ కేవలం ధర్తాఽసి ॥ త్వమేవ కేవలం హర్తాఽసి । త్వమేవ సర్వం ఖల్విదం బ్రహ్మాసి ॥ త్వం సాక్షాదాత్మాఽసి నిత్యమ్ ॥ ౧ ॥ ॥ స్వరూప తత్త్వ ॥ ఋతం వచ్మి (వదిష్యామి) ॥ సత్యం వచ్మి (వదిష్యామి) ॥ ౨ ॥ అవ త్వం మామ్ । అవ వక్తారమ్ ॥ అవ శ్రోతారమ్ । అవ దాతారమ్ ॥ అవ ధాతారమ్ । అవానూచానమవ శిష్యమ్ ॥ అవ పశ్చాత్తాత్ । అవ పురస్తాత్ ॥ అవోత్తరాత్తాత్ । అవ దక్షిణాత్తాత్ ॥ అవ చోర్ధ్వాత్తాత్ । అవాధరాత్తాత్ ॥ సర్వతో మాం పాహి పాహి సమన్తాత్ ॥ ౩ ॥ త్వం వాఙ్గ్మయస్త్వం చిన్మయః । త్వమానన్దమయస్త్వం బ్రహ్మమయః ॥ త్వం సచ్చిదానన్దాద్వితీయోఽసి । త్వం ప్రత్యక్షం బ్రహ్మాసి ॥ త్వం జ్ఞానమయో విజ్ఞానమయోఽసి ॥ ౪ ॥ సర్వం జగదిదం త్వత్తో జాయతే । సర్వం జగదిదం త్వత్తస్తిష్ఠతి ॥ సర్వం జగదిదం త్వయి లయమేష్యతి । సర్వం జగదిదం త్వయి ప్రత్యేతి ॥ త్వం భూమిరాపోఽనలోఽనిలో నభః ॥ త్వం చత్వారి వాక్పదాని ॥ ౫ ॥ త్వం గుణత్రయాతీతః । త్వమవస్థాత్రయాతీతః । త్వం దేహత్రయాతీతః ॥ త్వం కాలత్రయాతీతః । త్వం మూలాధారః స్థిథోఽసి నిత్యమ్ ॥ త్వం శక్తిత్రయాత్మకః । త్వాం యోగినో ధ్యాయన్తి నిత్యమ్ ॥ త్వం బ్రహ్మా త్వం విష్ణుస్త్వం రుద్రస్త్వమిన్ద్రస్త్వమగ్నిస్త్వం వాయుస్త్వం సూర్యస్త్వం చన్ద్రమాస్త్వం బ్రహ్మభూర్భువఃస్వరోమ్ ॥ ౬ ॥ ॥ గణేశ మన్త్ర ॥ గణాదిం పూర్వముచ్చార్య వర్ణాదీంస్తదనన్తరమ్ । అనుస్వారః పరతరః ॥ అర్ధేన్దులసితమ్ । తారేణ ఋద్ధమ్ ॥ ఏతత్తవ మనుస్వరూపమ్ । గకారః పూర్వరూపమ్ ॥ అకారో మధ్యమరూపమ్ । అనుస్వారశ్చాన్త్యరూపమ్ ॥ బిన్దురుత్తరరూపమ్ । నాదః సన్ధానమ్ ॥ సంహితాసన్ధిః । సైషా గణేశవిద్యా ॥ గణక ఋషిః । నిచృద్గాయత్రీచ్ఛన్దః ॥ గణపతిర్దేవతా ॥ ఓం గం గణపతయే నమః ॥ ౭ ॥ ॥ గణేశ గాయాత్రీ ॥ ఏకదన్తాయ విద్మహే వక్రతుణ్డాయ ధీమహి । తన్నో దన్తిః ప్రచోదయాత్ ॥ ౮ ॥ ॥ గణేశ రూప ॥ ఏకదన్తం చతుర్హస్తం పాశమఙ్కుశధారిణమ్ । రదం చ వరదం హస్తైర్బిభ్రాణం మూషకధ్వజమ్ ॥ రక్తం లమ్బోదరం శూర్పకర్ణకం రక్తవాససమ్ । రక్తగన్ధానులిప్తాఙ్గం రక్తపుష్పైః సుపూజితమ్ ॥ భక్తానుకమ్పినం దేవం జగత్కారణమచ్యుతమ్ । ఆవిర్భూతం చ సృష్ట్యాదౌ ప్రకృతేః పురుషాత్పరమ్ ॥ ఏవం ధ్యాయతి యో నిత్యం స యోగీ యోగినాం వరః ॥ ౯ ॥ ॥ అష్ట నామ గణపతి ॥ నమో వ్రాతపతయే నమో గణపతయే నమః ప్రమథపతయే నమస్తేఽస్తు లమ్బోదరాయైకదన్తాయ విఘ్ననాశినే శివసుతాయ శ్రీవరదమూర్తయే నమో నమః ॥ ౧౦ ॥ ॥ ఫలశ్రుతి ॥ ఏతదథర్వశీర్షం యోఽధీతే । స బ్రహ్మభూయాయ కల్పతే ॥ స సర్వతః సుఖమేధతే । స సర్వ విఘ్నైర్నబాధ్యతే ॥ స పఞ్చమహాపాపాత్ప్రముచ్యతే । సాయమధీయానో దివసకృతం పాపం నాశయతి ॥ ప్రాతరధీయానో రాత్రికృతం పాపం నాశయతి । సాయమ్ప్రాతః ప్రయుఞ్జానో అపాపో భవతి ॥ సర్వత్రాధీయానోఽపవిఘ్నో భవతి । ధర్మార్థకామమోక్షం చ విన్దతి ॥ ఇదమథర్వశీర్షమశిష్యాయ న దేయమ్ । యో యది మోహాద్దాస్యతి స పాపీయాన్ భవతి ॥ సహస్రావర్తనాద్యం యం కామమధీతే తం తమనేన సాధయేత్ ॥ ౧౧ ॥ అనేన గణపతిమభిషిఞ్చతి స వాగ్మీ భవతి ॥ చతుర్థ్యామనశ్నన్ జపతి స విద్యావాన్ భవతి । స యశోవాన్ భవతి । ఇత్యథర్వణవాక్యమ్ ॥ బ్రహ్మాద్యాచరణం విద్యాత్ న బిభేతి కదాచనేతి ॥ ౧౨ ॥ యో దూర్వాఙ్కురైర్యజతి స వైశ్రవణోపమో భవతి । యో లాజైర్యజతి స యశోవాన్ భవతి ॥ స మేధావాన్ భవతి । యో మోదకసహస్రేణ యజతి ॥ స వాఞ్ఛితఫలమవాప్నోతి । యః సాజ్యసమిద్భిర్యజతి ॥ స సర్వం లభతే స సర్వం లభతే ॥ ౧౩ ॥ అష్టౌ బ్రాహ్మణాన్ సమ్యగ్గ్రాహయిత్వా సూర్యవర్చస్వీ భవతి । సూర్యగ్రహే మహానద్యాం ప్రతిమాసన్నిధౌ వా జప్త్వా సిద్ధమన్త్రో భవతి ॥ మహావిఘ్నాత్ప్రముచ్యతే । మహాదోషాత్ప్రముచ్యతే ॥ మహాపాపాత్ ప్రముచ్యతే । స సర్వవిద్భవతి స సర్వవిద్భవతి ॥ య ఏవం వేద ఇత్యుపనిషత్ ॥ ౧౪ ॥ ॥ శాన్తి మన్త్ర ॥ ఓం సహనావవతు । సహనౌభునక్తు ॥ సహ వీర్యం కరవావహై । తేజస్వినావధీతమస్తు మా విద్విషావహై ॥ ఓం భద్రం కర్ణేభిః శృణుయామ దేవాః । భద్రం పశ్యేమాక్షభిర్యజత్రాః ॥ స్థిరైరఙ్గైస్తుష్టువాంసస్తనూభిః । వ్యశేమ దేవహితం యదాయుః ॥ ఓం స్వస్తి న ఇన్ద్రో వృద్ధశ్రవాః । స్వస్తి నః పూషా విశ్వవేదాః ॥ స్వస్తినస్తార్క్ష్యో అరిష్టనేమిః । స్వస్తి నో బృహస్పతిర్దధాతు ॥ ఓం శాన్తిః శాన్తిః శాన్తిః ॥ ॥ ఇతి శ్రీగణపత్యథర్వశీర్షం సమాప్తమ్ ॥