Govindashtakam

॥ గోవిన్దాష్టకం ॥ సత్యం జ్ఞానమనంతం నిత్యమనాకాశం పరమాకాశమ్ । గోష్ఠప్రాఙ్గణరిఙ్ఖణలోలమనాయాసం పరమాయాసమ్ । మాయాకల్పితనానాకారమనాకారం భువనాకారమ్ । క్ష్మాయా నాథమనాథం ప్రణమత గోవిందం పరమానందమ్ ॥ ౧ ॥ మృత్స్నామత్సీహేతి యశోదాతాడనశైశవ సంత్రాసమ్ । వ్యదితవక్త్రాలోకితలోకాలోకచతుర్దశలోకాలిమ్ । లోకత్రయపురమూలస్తంభం లోకాలోకమనాలోకమ్ । లోకేశం పరమేశం ప్రణమత గోవిందం పరమానందమ్ ॥ ౨ ॥ త్రైవిష్టపరిపువీరఘ్నం క్షితిభారఘ్నం భవరోగఘ్నమ్ । కైవల్యం నవనీతాహారమనాహారం భువనాహారమ్ । వైమల్యస్ఫుటచేతోవృత్తివిశేషాభాసమనాభాసమ్ । శైవం కేవలశాంతం ప్రణమత గోవిందం పరమానందమ్ ॥ ౩ ॥ గోపాలం ప్రభులీలావిగ్రహగోపాలం కులగోపాలమ్ । గోపీఖేలనగోవర్ధనధృతిలీలాలాలితగోపాలమ్ । గోభిర్నిగదిత గోవిందస్ఫుతనామానం బహునామానమ్ । గోపీగోచరపథికం ప్రణమత గోవిందం పరమానందమ్ ॥ ౪ ॥ గోపీమండలగోష్ఠిభేదం భేదావస్థమభేదాభమ్ । శశ్వద్గోఖురనిర్ఘూతోద్ధతధూలీధూసరసౌభాగ్యమ్ । శ్రద్ధాభక్తిగృహీతానందమచిన్త్యం చింతితసద్భావమ్ । చింతామణిమహిమానం ప్రణమత గోవిందం పరమానందమ్ ॥ ౫ ॥ స్నానవ్యాకులయోశిద్వస్త్రముపాదాయాగముపారూఢమ్ । వ్యదిత్సంతిరథ దిగ్వస్త్రా హ్యుపుదాతుముపాకర్షంతమ్ । నిర్ధూతద్వయశోకవిమోహం బుద్ధం బుద్ధేరంతస్థమ్ । సత్తామాత్రశరీరం ప్రణమత గోవిందం పరమానందమ్ ॥ ౬ ॥ కాంతం కారణకారణమాదిమనాదిం కాలమనాభాసమ్ । కాలిందీగతకాలియశిరసి ముహుర్నృత్యంతం నృత్యంతమ్ । కాలం కాలకలాతీతం కలితాశేషం కలిదోషఘ్నమ్ । కాలత్రయగతిహేతుం ప్రణమత గోవిందం పరమానందమ్ ॥ ౭ ॥ వృందావనభువి వృందారకగణవృన్దారాధ్యం వందేఽహమ్ । కుందాభామలమందస్మేరసుధానందం సుహృదానందమ్ । వంద్యాశేషమహామునిమానసవంద్యానందపదద్వంద్వమ్ । వంద్యాశేషగుణాబ్ధిం ప్రణమత గోవిందం పరమానందమ్ ॥ ౮ ॥ గోవిందాష్టకమేతదధీతే గోవిందార్పితచేతా యో । గోవిందాచ్యుత మాధవ విష్ణో గోకులనాయక కృష్ణేతి । గోవిందాఙ్ఘ్రిసరోజధ్యానసుధాజలధౌతసమస్తాఘో । గోవిందం పరమానందామృతమంతఃస్థం స తమభ్యేతి ॥ ॥ ఇతి శ్రీమచ్ఛఙ్కరాచార్యవిరచితం శ్రీగోవిందాష్టకం సంపూర్ణమ్