Home / Krishna / StotramKRISHNA · STOTRAM
Govindashtakam
గోవిన్దాష్టకమ్
Govindashtakam is a traditional Krishna devotional reading. This page presents the full text of the linked Wikisource edition, with Telugu and IAST transliterations.
|| govindāṣṭakaṃ ||
satyaṃ jñānamanaṃtaṃ nityamanākāśaṃ paramākāśam |
goṣṭhaprāṅgaṇariṅkhaṇalolamanāyāsaṃ paramāyāsam |
māyākalpitanānākāramanākāraṃ bhuvanākāram |
kṣmāyā nāthamanāthaṃ praṇamata goviṃdaṃ paramānaṃdam || 1 ||
mṛtsnāmatsīheti yaśodātāḍanaśaiśava saṃtrāsam |
vyaditavaktrālokitalokālokacaturdaśalokālim |
lokatrayapuramūlastaṃbhaṃ lokālokamanālokam |
lokeśaṃ parameśaṃ praṇamata goviṃdaṃ paramānaṃdam || 2 ||
traiviṣṭaparipuvīraghnaṃ kṣitibhāraghnaṃ bhavarogaghnam |
kaivalyaṃ navanītāhāramanāhāraṃ bhuvanāhāram |
vaimalyasphuṭacetovṛttiviśeṣābhāsamanābhāsam |
śaivaṃ kevalaśāṃtaṃ praṇamata goviṃdaṃ paramānaṃdam || 3 ||
gopālaṃ prabhulīlāvigrahagopālaṃ kulagopālam |
gopīkhelanagovardhanadhṛtilīlālālitagopālam |
gobhirnigadita goviṃdasphutanāmānaṃ bahunāmānam |
gopīgocarapathikaṃ praṇamata goviṃdaṃ paramānaṃdam || 4 ||
gopīmaṃḍalagoṣṭhibhedaṃ bhedāvasthamabhedābham |
śaśvadgokhuranirghūtoddhatadhūlīdhūsarasaubhāgyam |
śraddhābhaktigṛhītānaṃdamacintyaṃ ciṃtitasadbhāvam |
ciṃtāmaṇimahimānaṃ praṇamata goviṃdaṃ paramānaṃdam || 5 ||
snānavyākulayośidvastramupādāyāgamupārūḍham |
vyaditsaṃtiratha digvastrā hyupudātumupākarṣaṃtam |
nirdhūtadvayaśokavimohaṃ buddhaṃ buddheraṃtastham |
sattāmātraśarīraṃ praṇamata goviṃdaṃ paramānaṃdam || 6 ||
kāṃtaṃ kāraṇakāraṇamādimanādiṃ kālamanābhāsam |
kāliṃdīgatakāliyaśirasi muhurnṛtyaṃtaṃ nṛtyaṃtam |
kālaṃ kālakalātītaṃ kalitāśeṣaṃ kalidoṣaghnam |
kālatrayagatihetuṃ praṇamata goviṃdaṃ paramānaṃdam || 7 ||
vṛṃdāvanabhuvi vṛṃdārakagaṇavṛndārādhyaṃ vaṃde'ham |
kuṃdābhāmalamaṃdasmerasudhānaṃdaṃ suhṛdānaṃdam |
vaṃdyāśeṣamahāmunimānasavaṃdyānaṃdapadadvaṃdvam |
vaṃdyāśeṣaguṇābdhiṃ praṇamata goviṃdaṃ paramānaṃdam || 8 ||
goviṃdāṣṭakametadadhīte goviṃdārpitacetā yo |
goviṃdācyuta mādhava viṣṇo gokulanāyaka kṛṣṇeti |
goviṃdāṅghrisarojadhyānasudhājaladhautasamastāgho |
goviṃdaṃ paramānaṃdāmṛtamaṃtaḥsthaṃ sa tamabhyeti ||
|| iti śrīmacchaṅkarācāryaviracitaṃ śrīgoviṃdāṣṭakaṃ saṃpūrṇam
Reading & reflection
Krishna hymns explore devotion through names, qualities, and vivid poetic images. Read each stanza as a separate moment of reflection.
Text edition & attribution
Complete text of गोविन्दाष्टकम् on Sanskrit Wikisource, revision 37866, contributed by Wikisource editors. Text and generated transliterations are shared under CC BY-SA 4.0.
Changes: interface material removed, spacing normalized, and Telugu and IAST transliterations generated. The source may contain transcription variants; automated transliterations have not been independently proofread. No source verses have been intentionally shortened.