GURU · STOTRAM
Gurvashtakam
శ్రీగుర్వష్టకమ్
Gurvashtakam is a traditional Guru devotional reading. This page presents the full text of the linked Wikisource edition, with Telugu and IAST transliterations.
śarīraṃ surūpaṃ tathā vā kalatram
yaśaścāru citraṃ dhanaṃ meru tulyam |
manaścenna lagnaṃ guroraṅghripadme,
tataḥ kiṃ tataḥ kiṃ tataḥ kiṃ tataḥ kim ||1||
kalatraṃ dhanaṃ putra pautrādisarvam
gṛhe bāndhavāḥ sarvametaddhi jātam |
manaścenna lagnaṃ guroraṅghripadme,
tataḥ kiṃ tataḥ kiṃ tataḥ kiṃ tataḥ kim ||2||
ṣaḍaṅgādivedo mukhe śāstravidyā,
kavitvādi gadyaṃ supadyaṃ karoti |
manaścenna lagnaṃ guroraṅghripadme,
tataḥ kiṃ tataḥ kiṃ tataḥ kiṃ tataḥ kim ||3||
videśeṣu mānyaḥ svadeśeṣu dhanyaḥ,
sadācāravṛtteṣu matto na cānyaḥ |
manaścenna lagnaṃ guroraṅghripadme,
tataḥ kiṃ tataḥ kiṃ tataḥ kiṃ tataḥ kim ||4||
kṣamāmaṇḍale bhūpabhūpālabṛndaiḥ,
sadā sevitaṃ yasya pādāravindam |
manaścenna lagnaṃ guroraṅghripadme,
tataḥ kiṃ tataḥ kiṃ tataḥ kiṃ tataḥ kim ||5||
yaśo me gataṃ dikṣu dānapratāpāt,
jagadvastu sarvaṃ kare yatprasādāt |
manaścenna lagnaṃ guroraṅghripadme,
tataḥ kiṃ tataḥ kiṃ tataḥ kiṃ tataḥ kim ||6||
na bhoge na yoge na vā vājirājau,
na kantāmukhe naiva vitteṣu cittam |
manaścenna lagnaṃ guroraṅghripadme,
tataḥ kiṃ tataḥ kiṃ tataḥ kiṃ tataḥ kim ||7||
araṇye na vā svasya gehe na kārye,
na dehe mano vartate me tvanardhye |
manaścenna lagnaṃ guroraṅghripadme,
tataḥ kiṃ tataḥ kiṃ tataḥ kiṃ tataḥ kim ||8||
guroraṣṭakaṃ yaḥ paṭhetpuṇyadehī,
yatirbhūpatirbrahmacārī ca gehī |
labhedvācchitārthaṃ padaṃ brahmasaṃjñaṃ,
guroruktavākye mano yasya lagnam ||9||
Reading & reflection
Guru hymns honor the teacher and the transmission of knowledge. Use the reading as a moment of gratitude.
Text edition & attribution
Complete text of श्रीगुर्वष्टकम् on Sanskrit Wikisource, revision 238100, contributed by Wikisource editors. Text and generated transliterations are shared under CC BY-SA 4.0.
Changes: interface material removed, spacing normalized, and Telugu and IAST transliterations generated. The source may contain transcription variants; automated transliterations have not been independently proofread. No source verses have been intentionally shortened.