ADI SHANKARACHARYA · STOTRAM

Hastamalaka Stotram

హస్తామలకస్తోత్రమ్

Hastamalaka Stotram is a traditional Adi Shankaracharya devotional reading. This page presents the full text of the linked Wikisource edition, with Telugu and IAST transliterations.

తెలుగు देवनागरी English (IAST)

<poem> ||hastāmalaka stotrama || kastvaṃ śiśo kasya kuto'si gantā kiṃ nāma te tvaṃ kuta āgato'si | etanmayoktaṃ vada cārbhaka tvaṃ matprītaye prītivivardhano'si ||1|| hastāmalaka uvāca | nāhaṃ manuṣyo na ca deva- yakṣau na brāhmaṇa- kṣatriya- vaiśya- śūdrāḥ | na brahmacārī na gṛhī vanastho bhikṣurna cāhaṃ nijabodha rūpaḥ ||2|| nimittaṃ manaścakṣurādi pravṛttau nirastākhilopādhirākāśakalpaḥ | ravirlokaceṣṭānimittaṃ yathā yaḥ sa nityopalabdhisvarūpo'hamātmā ||3|| yamagnyuṣṇavannityabodha svarūpaṃ manaścakṣurādīnyabodhātmakāni | pravartanta āśritya niṣkampamekaṃ sa nityopalabdhisvarūpo'hamātmā ||4|| mukhābhāsako darpaṇe dṛśyamāno mukhatvāt pṛthaktvena naivāsti vastu | cidābhāsako dhīṣu jīvo'pi tadvat sa nityopalabdhisvarūpo'hamātmā ||5|| yathā darpaṇābhāva ābhāsahānau mukhaṃ vidyate kalpanāhīnamekam | tathā dhī viyoge nirābhāsako yaḥ sa nityopalabdhisvarūpo'hamātmā ||6|| manaścakṣurāderviyuktaḥ svayaṃ yo manaścakṣurādermanaścakṣurādiḥ | manaścakṣurāderagamyasvarūpaḥ sa nityopalabdhisvarūpo'hamātmā ||7|| ya eko vibhāti svataḥ śuddhacetāḥ prakāśasvarūpo'pi nāneva dhīṣu śarāvodakastho yathā bhānurekaḥ sa nityopalabdhisvarūpo'hamātmā ||8|| yathā'nekacakṣuḥ- prakāśo ravirna krameṇa prakāśīkaroti prakāśyam | anekā dhiyo yastathaikaḥ prabodhaḥ sa nityopalabdhisvarūpo'hamātmā ||9|| vivasvata prabhātaṃ yathā rūpamakṣaṃ pragṛhṇāti nābhātamevaṃ vivasvān | yadābhāta ābhāsayatyakṣamekaḥ sa nityopalabdhisvarūpo'hamātmā||10|| yathā sūrya eko'psvanekaścalāsu sthirāsvapyananyadvibhāvyasvarūpaḥ calāsu prabhinnāsudhīṣveka eva sa nityopalabdhisvarūpo'hamātmā ||11|| ghanacchannadṛṣṭirghanacchannamarkam yathā niṣprabhaṃ manyate cātimūḍhaḥ | tathā baddhavadbhāti yo mūḍha- dṛṣṭeḥ sa nityopalabdhisvarūpo'hamātmā ||12|| samasteṣu vastuṣvanusyūtamekaṃ samastāni vastūni yanna spṛśanti | viyadvatsadā śuddhamacchasvarūpaṃ sa nityopalabdhisvarūpo'hamātmā ||13|| upādhau yathā bhedatā sanmaṇīnāṃ tathā bhedatā buddhibhedeṣu te'pi | yathā candrikāṇāṃ jale cañcalatvaṃ tathā cañcalatvaṃ tavāpīha viṣṇo ||14|| ||iti śrīmad śaṅkarācāryakṛta hastāmalakasaṃvādastotraṃ saṃpūrṇam ||

Reading & reflection

This hymn addresses Adi Shankaracharya through devotional names and imagery. Begin with a quiet breath, read one verse at a time, and leave a short pause between stanzas.

Text edition & attribution

Complete text of हस्तामलकस्तोत्रम् on Sanskrit Wikisource, revision 108412, contributed by Wikisource editors. Text and generated transliterations are shared under CC BY-SA 4.0.

Changes: interface material removed, spacing normalized, and Telugu and IAST transliterations generated. The source may contain transcription variants; automated transliterations have not been independently proofread. No source verses have been intentionally shortened.