ADI SHANKARACHARYA · STOTRAM

Hastamalaka Stotram

హస్తామలకస్తోత్రమ్

Hastamalaka Stotram is a traditional Adi Shankaracharya devotional reading. This page presents the full text of the linked Wikisource edition, with Telugu and IAST transliterations.

తెలుగు देवनागरी English (IAST)

<poem> ।।హస్తామలక స్తోత్రమ ।। కస్త్వం శిశో కస్య కుతోఽసి గన్తా కిం నామ తే త్వం కుత ఆగతోఽసి । ఏతన్మయోక్తం వద చార్భక త్వం మత్ప్రీతయే ప్రీతివివర్ధనోఽసి ।।౧।। హస్తామలక ఉవాచ । నాహం మనుష్యో న చ దేవ- యక్షౌ న బ్రాహ్మణ- క్షత్రియ- వైశ్య- శూద్రాః । న బ్రహ్మచారీ న గృహీ వనస్థో భిక్షుర్న చాహం నిజబోధ రూపః ।।౨।। నిమిత్తం మనశ్చక్షురాది ప్రవృత్తౌ నిరస్తాఖిలోపాధిరాకాశకల్పః । రవిర్లోకచేష్టానిమిత్తం యథా యః స నిత్యోపలబ్ధిస్వరూపోఽహమాత్మా ।।౩।। యమగ్న్యుష్ణవన్నిత్యబోధ స్వరూపం మనశ్చక్షురాదీన్యబోధాత్మకాని । ప్రవర్తన్త ఆశ్రిత్య నిష్కమ్పమేకం స నిత్యోపలబ్ధిస్వరూపోఽహమాత్మా ।।౪।। ముఖాభాసకో దర్పణే దృశ్యమానో ముఖత్వాత్ పృథక్త్వేన నైవాస్తి వస్తు । చిదాభాసకో ధీషు జీవోఽపి తద్వత్ స నిత్యోపలబ్ధిస్వరూపోఽహమాత్మా ।।౫।। యథా దర్పణాభావ ఆభాసహానౌ ముఖం విద్యతే కల్పనాహీనమేకమ్ । తథా ధీ వియోగే నిరాభాసకో యః స నిత్యోపలబ్ధిస్వరూపోఽహమాత్మా ।।౬।। మనశ్చక్షురాదేర్వియుక్తః స్వయం యో మనశ్చక్షురాదేర్మనశ్చక్షురాదిః । మనశ్చక్షురాదేరగమ్యస్వరూపః స నిత్యోపలబ్ధిస్వరూపోఽహమాత్మా ।।౭।। య ఏకో విభాతి స్వతః శుద్ధచేతాః ప్రకాశస్వరూపోఽపి నానేవ ధీషు శరావోదకస్థో యథా భానురేకః స నిత్యోపలబ్ధిస్వరూపోఽహమాత్మా ।।౮।। యథాఽనేకచక్షుః- ప్రకాశో రవిర్న క్రమేణ ప్రకాశీకరోతి ప్రకాశ్యమ్ । అనేకా ధియో యస్తథైకః ప్రబోధః స నిత్యోపలబ్ధిస్వరూపోఽహమాత్మా ।।౯।। వివస్వత ప్రభాతం యథా రూపమక్షం ప్రగృహ్ణాతి నాభాతమేవం వివస్వాన్ । యదాభాత ఆభాసయత్యక్షమేకః స నిత్యోపలబ్ధిస్వరూపోఽహమాత్మా।।౧౦।। యథా సూర్య ఏకోఽప్స్వనేకశ్చలాసు స్థిరాస్వప్యనన్యద్విభావ్యస్వరూపః చలాసు ప్రభిన్నాసుధీష్వేక ఏవ స నిత్యోపలబ్ధిస్వరూపోఽహమాత్మా ।।౧౧।। ఘనచ్ఛన్నదృష్టిర్ఘనచ్ఛన్నమర్కమ్ యథా నిష్ప్రభం మన్యతే చాతిమూఢః । తథా బద్ధవద్భాతి యో మూఢ- దృష్టేః స నిత్యోపలబ్ధిస్వరూపోఽహమాత్మా ।।౧౨।। సమస్తేషు వస్తుష్వనుస్యూతమేకం సమస్తాని వస్తూని యన్న స్పృశన్తి । వియద్వత్సదా శుద్ధమచ్ఛస్వరూపం స నిత్యోపలబ్ధిస్వరూపోఽహమాత్మా ।।౧౩।। ఉపాధౌ యథా భేదతా సన్మణీనాం తథా భేదతా బుద్ధిభేదేషు తేఽపి । యథా చన్ద్రికాణాం జలే చఞ్చలత్వం తథా చఞ్చలత్వం తవాపీహ విష్ణో ।।౧౪।। ।।ఇతి శ్రీమద్ శఙ్కరాచార్యకృత హస్తామలకసంవాదస్తోత్రం సంపూర్ణమ్ ।।

Reading & reflection

This hymn addresses Adi Shankaracharya through devotional names and imagery. Begin with a quiet breath, read one verse at a time, and leave a short pause between stanzas.

Text edition & attribution

Complete text of हस्तामलकस्तोत्रम् on Sanskrit Wikisource, revision 108412, contributed by Wikisource editors. Text and generated transliterations are shared under CC BY-SA 4.0.

Changes: interface material removed, spacing normalized, and Telugu and IAST transliterations generated. The source may contain transcription variants; automated transliterations have not been independently proofread. No source verses have been intentionally shortened.