Nama Ramayanam

|| bālakāṇḍaḥ || śuddhabrahmaparātpara rāma | kālātmakaparameśvara rāma | śeṣatalpasukhanidrita rāma | brahmādyamaraprārthita rāma | caṇḍakiraṇakulamaṇḍana rāma | śrīmaddaśarathanandana rāma | kausalyāsukhavardhana rāma | viśvāmitrapriyadhana rāma | ghoratāṭakāghātaka rāma | mārīcādinipātaka rāma | kauśikamakhasaṃrakṣaka rāma | śrīmadahalyoddhāraka rāma | gautamamunisaṃpūjita rāma | suramunivaragaṇasaṃstuta rāma | nāvikadhāvikamṛdupada rāma | mithilāpurajanamohaka rāma | videhamānasarañjaka rāma | tryaṃbakakārmukhabhañjaka rāma | sītārpitavaramālika rāma | kṛtavaivāhikakautuka rāma | bhārgavadarpavināśaka rāma | śrīmadayodhyāpālaka rāma | rāmarāma jayarājā rāma | rāmarāma jayasītā rāma | || ayodhyākāṇḍaḥ || agaṇitaguṇagaṇabhūṣita rāma | avanītanayākāmita rāma | rākācandrasamānana rāma | pitṛvākyāśritakānana rāma | priyaguhaviniveditapada rāma | tatkṣālitanijamṛdupada rāma | bharadvājamukhānandaka rāma | citrakūṭādriniketana rāma | daśarathasantatacintita rāma | kaikeyītanayārpita rāma | viracitanijapitṛkarmaka rāma | bharatārpitanijapāduka rāma | rāmarāma jayarājā rāma | rāmarāma jayasītā rāma | || araṇyakāṇḍaḥ || daṇḍakāvanajanapāvana rāma | duṣṭavirādhavināśana rāma | śarabhaṅgasutīkṣṇārcita rāma | agastyānugrahavardita rāma | gṛdhrādhipasaṃsevita rāma | pañcavaṭītaṭasusthita rāma | śūrpaṇakhārttividhāyaka rāma | kharadūṣaṇamukhasūdaka rāma | sītāpriyahariṇānuga rāma | mārīcārtikṛtāśuga rāma | vinaṣṭasītānveṣaka rāma | gṛdhrādhipagatidāyaka rāma | śabarīdattaphalāśana rāma | kabandhabāhucchedana rāma | rāmarāma jayarājā rāma | rāmarāma jayasītā rāma | || kiṣkindhākāṇḍaḥ || hanumatsevitanijapada rāma | natasugrīvābhīṣṭada rāma | garvitavālisaṃhāraka rāma | vānaradūtapreṣaka rāma | hitakaralakṣmaṇasaṃyuta rāma | rāmarāma jayarājā rāma | rāmarāma jayasītā rāma | || sundarakāṇḍaḥ || kapivarasantatasaṃsmṛta rāma | tadgativighnadhvaṃsaka rāma | sītāprāṇādhāraka rāma | duṣṭadaśānanadūṣita rāma | śiṣṭahanūmadbhūṣita rāma | sītaveditakākāvana rāma | kṛtacūḍāmaṇidarśana rāma | kapivaravacanāśvāsita rāma | rāmarāma jayarājā rāma | rāmarāma jayasītā rāma | || yuddhakāṇḍaḥ || rāvaṇanidhanaprasthita rāma | vānarasainyasamāvṛta rāma | śoṣitaśaradīśārttita rāma | vibhīṣṇābhayadāyaka rāma | parvatasetunibandhaka rāma | kumbhakarṇaśiraśchedana rāma | rākṣasasaṅghavimardhaka rāma | ahimahirāvaṇacāraṇa rāma | saṃhṛtadaśamukharāvaṇa rāma | vidhibhavamukhasurasaṃstuta rāma | khaḥsthitadaśarathavīkṣita rāma | sītādarśanamodita rāma | abhiṣiktavibhīṣaṇanuta rāma | puṣpakayānārohaṇa rāma | bharadvājādiniṣevaṇa rāma | bharataprāṇapriyakara rāma | sāketapurībhūṣaṇa rāma | sakalasvīyasamānasa rāma | ratnalasatpīṭhāsthita rāma | paṭṭābhiṣekālaṃkṛta rāma | pārthivakulasammānita rāma | vibhīṣaṇārpitaraṅgaka rāma | kīśakulānugrahakara rāma | sakalajīvasaṃrakṣaka rāma | samastalokoddhāraka rāma | rāmarāma jayarājā rāma | rāmarāma jayasītā rāma | || uttarakāṇḍaḥ || āgata munigaṇa saṃstuta rāma | viśrutadaśakaṇṭhodbhava rāma | sitāliṅgananirvṛta rāma | nītisurakṣitajanapada rāma | vipinatyājitajanakaja rāma | kāritalavaṇāsuravadha rāma | svargatacambuka saṃstuta rāma | svatanayakuśalavanandita rāma | aśvamedhakratudikṣita rāma | kālāveditasurapada rāma | āyodhyakajanamuktita rāma | vidhimukhavibhudānandaka rāma | tejomayanijarūpaka rāma | saṃsṛtibandhavimocaka rāma | dharmasthāpanatatpara rāma | bhaktiparāyaṇamuktida rāma | sarvacarācarapālaka rāma | sarvabhavāmayavāraka rāma | vaikuṇṭhālayasaṃstita rāma | nityanandapadastita rāma | rāmarāma jayarājā rāma | rāmarāma jayasītā rāma |