Subrahmanya Bhujangam

సదా బాలరూపాపి విఘ్నాద్రిహన్త్రీ మహాదన్తివక్త్రాపి పఞ్చాస్యమాన్యా । విధీన్ద్రాదిమృగ్యా గణేశాభిధా మే విధత్తాం శ్రియం కాపి కల్యాణమూర్తిః ॥౧॥ న జానామి శబ్దం న జానామిచార్థం న జానామి పద్యం న జానామి గద్యమ్ । చిదేకా షడాస్యా హృది ద్యోతతే మే ముఖాన్నిఃసరన్తే గిరశ్చాపి చిత్రమ్ ॥౨॥ మయూరాధిరూఢం మహావాక్యగూఢం మనోహారిదేహం మహచ్చిత్తగేహమ్ । మహీదేవదేవం మహావేదభావం మహాదేవబాలం భజే లోకపాలమ్ ॥౩॥ యదా సన్నిధానం గతా మానవా మే భవామ్భోధిపారం గతాస్తే తదైవ । ఇతి వ్యఞ్జయన్సిన్ధుతీరే య ఆస్తే తమీడే పవిత్రం పరాశక్తి పుత్రమ్ ॥౪॥ యథాబ్ధేస్తరఙ్గా లయం యాన్తి తుఙ్గా- స్థైవాపదః సన్నిధౌ సేవతాం మే । ఇతీవోర్మిపఙ్గక్తీర్నృణాం దర్శయన్తం సదా భావయే హృత్సరోజే గుహం తమ్ ॥౫॥ గిరౌ మన్నివాసే నరా యేఽధిరూఢా- స్తదా పర్వతే రాజతే తేఽధిరూఢాః । ఇతీవ బ్రువన్ గన్ధశైలాధిరూఢః స దేవో ముదే మే సదా షణ్ముఖోఽస్తు ॥౬॥ మహామ్భోధితీరే మహాపాపచోరే మునీన్ద్రానుకూలే సుగన్ధాఖ్యశైలే । గుహాయాం వసన్తం స్వభాసా లసన్తం జనార్తిం హరన్తం శ్రయామో గుహం తమ్ ॥౭॥ లసత్వర్ణగేహే నృణాం కామదోహే సుమస్తోమసంఛన్నమాణిక్యమఞ్చే । సముద్యత్సహస్రార్కతుల్యప్రకాశం సదా భావయే కార్తికేయం సురేశమ్ ॥౮॥ రణద్ధంసకే మఞ్జులేఽత్యన్తశోణే మనోహారిలావణ్యపీయూషపూర్ణే । మనఃషట్పదో మే భవత్క్లేశతప్తః సదా మోదతాం స్కన్ద తే పాదపద్మే ॥౯॥ సువర్ణాభదివ్యామ్బరైర్భాసమానాం క్వణత్కిఙ్కిణీమేఖలాశోభమానామ్ । లసద్ధేమపట్టేన విద్యోతమానాం కటిం భావయే స్కన్ద తే దీప్యమానామ్ ॥౧౦॥ పులిన్దేశకన్యాఘనాభోగతుఙ్గ్- స్తనాలిఙ్గనాసక్తకాశమీరరాగమ్ । నమస్యామహం తారకరే తవోరః స్వభక్తావనే సర్వదా సానురాగమ్ ॥౧౧॥ విధౌకౢప్తదణ్డాన్స్వలీలాధృతాణ్డా- న్నిరస్తేభశుణ్డాన్ద్విషత్కాలదణ్డాన్ । హతేన్ద్రారిషణ్డాఞ్జగత్రాణశౌణ్డాన్ సదా తే ప్రచణ్డాఞ్శ్రయే బాహుదణ్డాన్ ॥౧౨॥ సదా శారదాః షణ్మృగాఙ్కా యది స్యుః సముద్యన్త ఏవ స్థితాశ్చేత్సమన్తాత్ । సదా పూర్ణబిమ్బాః కలఙ్కైశ్చ హీనా- స్తదా త్వన్ముఖానాం బ్రువే స్కన్ద సామ్యమ్ ॥౧౩॥ స్ఫురన్మన్దహాసైః సహంసాని చఞ్చ- త్కటాక్షావలీభృఙ్గసంఘోజ్జ్వలాని । సుధాస్యాన్దిబిమ్బాధరాణీశసూనో తవాలోకయే షణ్ముఖామ్భోరుహాణి ॥౧౪॥ విశాలేషు కర్ణాన్తదీర్ఘేష్వజస్త్రం దయాస్యన్దిషు ద్వాదశస్వీక్షణేషు । మయీషత్కటాక్షః సకృత్పాతితశ్చే- ద్భవేతే దయాశీల కా నామ హానిః ॥౧౫॥ సుతాఙ్గోద్భవో మేఽసి జీవేతి షడ్ధా జపన్మన్త్రమీశో ముదా చిఘ్రతే యాన్ । జగద్భారభృద్భ్యో జగన్నాథ తేభ్యః కిరీటోజ్జ్వలేభ్యో నమో మస్తకేభ్యః ॥౧౬॥ స్ఫురద్రత్నకేయూరహారాభిరామ- శ్చలత్కుణ్డలశ్రీలసద్గణ్డభాగః । కటౌ పీతవాసాః కరే చారు శక్తిః పురస్తాన్మమాస్తాం పురారేస్తనూజః ॥౧౭॥ ఇహాయాహి వత్సేతి హస్తాన్ప్రసార్యా- హ్వయత్యాదరాచ్ఛంకరే మాతురఙ్కాత్ । సముత్పత్య తాతం శ్రయన్తం కుమారం హరాశ్లిష్టగాత్రం భజే బాలమూర్తిమ్ ॥౧౮॥ కుమారేశసూనో గుహ స్కన్ద సేనా- పతే శక్తిపాణే మయూరాధిరూఢ । పులిన్దాత్మజాకాన్త భక్తార్తిహారిన్ ప్రభో తారకరే సదా రక్ష మాం త్వమ్ ॥౧౯॥ ప్రశాన్తేన్ద్రియే నష్టసంజ్ఞే విచేష్టే కఫోద్గారివక్త్రే భయోత్కమ్పిగాత్రే । ప్రయాణోన్ముఖే మయ్యనాథే తదానీం ద్రుతం మే దయాలో భవాగ్రే గుహం త్వమ్ ॥౨౦॥ కృతాన్తస్య దూతేషు చణ్డేషు కోపా- ద్దహ చ్ఛిన్ద్ధి భిన్ద్ధీతి మాం తర్జయత్సు । మయూరం సమారుహ్య మా భైరితి త్వం పురః శక్తిపాణిర్మమాయాహి శీఘ్రమ్ ॥౨౧॥ ప్రణమ్యాసకృతపాదయోస్తే పతిత్వా ప్రసాద్య ప్రభో పార్థయేఽనేకవారమ్ । న వక్తుం క్షమోహం తదానీం కృపాబ్ధే న కార్యాన్తకాలే మనాగప్యుపేక్షా ॥౨౨॥ సహస్రాణ్డభోక్తా త్వయా శూరనామా హతస్తారకః సింహవక్త్రశ్చ దైత్యః । మమాన్తర్హృదిస్థం మనఃక్లేశమేకం న హంసి ప్రభో కిం కరోమి క్వ యామి ॥౨౩॥ అహం సర్వదా దుఃఖభారావసన్నో భవాన్ దీనబన్ధుస్త్వదన్యం న యాచే । భవద్భక్తిరోధం సదా క్లృప్తబాధం మమాధిం దుతం నాశయోమాసుత త్వమ్ ॥౨౪॥ అపస్మారకుష్టక్షయార్శఃప్రమేహ- జ్వరన్మాదిగుల్మాదిరోగా మహాన్తః । పిశాచాశ్చ సర్వే భవత్పత్రభూతిం విలోక్యక్షణాత్తరకారే ద్రవన్తే ॥౨౫॥ దృశి స్కన్దమూర్తిః శ్రుతౌ స్కన్దకీర్తి- ర్ముఖే మే పవిత్రం సదా తచ్చరిత్రమ్ । కరే తస్య కృత్యం వపుస్తస్య భృత్యం గుహే సన్తు లీనా మమాశేషభావాః ॥౨౬॥ మునీనాముతహో నృణాం భక్తిభాజా- మభీష్టప్రదాః సన్తి సర్వత్ర దేవాః । నృణామన్త్యజానామపి స్వార్థదానే గుహాద్దేవమన్యం న జానే న జానే ॥౨౭॥ కలత్రం సుతా బన్ధువర్గః పశుర్వా నరో వాథ నారీ గృహే యే మదీయాః । యజన్తో నమన్తః స్తువన్తో భవన్తం స్మరన్తశ్చ తే సన్తు సర్వే కుమార ॥౨౮॥ మృగాః పక్షిణో దంశకా యే చ దుష్టా- స్తథా వ్యాధయో బాధకా యే మదఙ్గే । భవచ్ఛక్తితీక్ష్ణాగ్రభిన్నాః సుదూరే వినశ్యన్తు తే చూర్ణితక్రౌఞ్చశైలే ॥౨౯॥ జనిత్రీ పితా చ స్వపుత్రాపరాధం సహేతే చ కిం దేవసేనాధినాథ । అహం చాతిబాలో భవాన్ లోకతాతః క్షమస్వాపరాధం సమస్తం మహేశ ॥౩౦॥ నమః కేకినే శక్తయే చాపి తుభ్యం నమశ్చాగ తుభ్యం నమః కుక్కుటాయ । నమః సిన్ధవే సిన్ధుదేశాయ తుభ్యం పునః స్కన్దమూర్తే నమస్తే నమోఽస్తు ॥౩౧॥ జయానన్దభూమఞ్జయాపారధామ- ఞ్జయామోఘకీర్తే జయానన్దమూర్తే । జయానన్ద సిన్ధో జయాశేషబన్ధో జయ త్వం పితా ముక్తిదానేశసూనో ॥౩౨॥ భుజఙ్గాఖ్యవృత్తేన క్లృప్తం స్తవం యః పఠేత్భక్తియుక్తో గుహం సంప్రణమ్య । స పుత్రాన్కలత్రం ధనం దీర్ఘమాయు- ర్లభేత్స్కన్దసాయుజ్యమన్తే నరః సః ॥౩౩॥ ॥ శ్రీసుబ్రహ్మణ్యభుజఙ్గం సమ్పూర్ణమ్ ॥