LALITHA · STOTRAM

Tripura Sundari Ashtakam

త్రిపురసున్దరీఅష్టకమ్

Tripura Sundari Ashtakam is a traditional Lalitha devotional reading. This page presents the full text of the linked Wikisource edition, with Telugu and IAST transliterations.

తెలుగు देवनागरी English (IAST)

tripurasundarīaṣṭakam kadambavanacāriṇīṃ munikadambakādambinīṃ nitambajita bhūdharāṃ suranitambinīsevitām | navāmburuhalocanāmabhinavāmbudaśyāmalāṃ trilocanakuṭumbinīṃ tripurasundarīmāśraye ||1|| kadambavanavāsinīṃ kanakavallakīdhāriṇīṃ mahāharmaṇihāriṇīṃ mukhasamullasadvāruṇīm | dayāvibhavakāriṇīṃ viśadalocanīṃ cāriṇīṃ trilocanakuṭumbinīṃ tripurasundarīmāśraye ||2|| kadambavanaśālayā kucabharollasanmālayā kucopamitaśailayā gurukṛpālasadvelayā | madāruṇakapolayā madhuragītavācālayā kayā'pi ghananīlayā kavacitā vayaṃ līlayā ||3|| kadambavanamadhyagāṃ kanakamaṇḍalopasthitāṃ ṣaḍamburuhavāsinīṃ satatasiddhasaudāminīm | viḍambitajapāruciṃ vikacacaṃdracūḍāmaṇiṃ trilocanakuṭumbinīṃ tripurasundarīmāśraye ||4|| kucāñcitavipañcikāṃ kuṭilakuntalālaṃkṛtāṃ kuśeśayanivāsinīṃ kuṭilacittavidveṣiṇīm | madāruṇavilocanāṃ manasijārisaṃmohinīṃ mataṅgamunikanyakāṃ madhurabhāṣiṇīmāśraye ||5|| smaraprathamapuṣpiṇīṃ rudhirabindunīlāmbarāṃ gṛhītamadhupātrikāṃ madavighūṇarnetrāñcalāṃ | ghanastanabharonnatāṃ galitacūlikāṃ śyāmalāṃ trilocanakuṭuṃbinīṃ tripurasundarīmāśraye ||6|| sakuṅkumavilepanāmalakacuṃbikastūrikāṃ samandahasitekṣaṇāṃ saśaracāpapāśāṅkuśām | aśeṣajanamohinīmaruṇamālya bhūṣāmbarāṃ japākusumabhāsurāṃ japavidhau smarāmyambikām ||7|| puraṃdarapuraṃdhrikāṃ cikurabandhasairaṃdhrikāṃ pitāmahapativratāṃ paṭapaṭīracacārratām | mukundaramaṇīmaṇīlasadalaṃkriyākāriṇīṃ bhajāmi bhuvanāṃbikāṃ suravadhūṭikāceṭikām ||8|| ||iti śrīmad śaṃkarācāryaviracitaṃ tripurasundarīaṣṭakaṃ samāptaṃ ||

Reading & reflection

This hymn addresses Lalitha through devotional names and imagery. Begin with a quiet breath, read one verse at a time, and leave a short pause between stanzas.

Text edition & attribution

Complete text of त्रिपुरसुन्दरीअष्टकम् on Sanskrit Wikisource, revision 37906, contributed by Wikisource editors. Text and generated transliterations are shared under CC BY-SA 4.0.

Changes: interface material removed, spacing normalized, and Telugu and IAST transliterations generated. The source may contain transcription variants; automated transliterations have not been independently proofread. No source verses have been intentionally shortened.