Tripura Sundari Ashtakam

త్రిపురసున్దరీఅష్టకమ్ కదమ్బవనచారిణీం మునికదమ్బకాదమ్బినీం నితమ్బజిత భూధరాం సురనితమ్బినీసేవితామ్ । నవామ్బురుహలోచనామభినవామ్బుదశ్యామలాం త్రిలోచనకుటుమ్బినీం త్రిపురసున్దరీమాశ్రయే ।।౧।। కదమ్బవనవాసినీం కనకవల్లకీధారిణీం మహాహర్మణిహారిణీం ముఖసముల్లసద్వారుణీమ్ । దయావిభవకారిణీం విశదలోచనీం చారిణీం త్రిలోచనకుటుమ్బినీం త్రిపురసున్దరీమాశ్రయే ।।౨।। కదమ్బవనశాలయా కుచభరోల్లసన్మాలయా కుచోపమితశైలయా గురుకృపాలసద్వేలయా । మదారుణకపోలయా మధురగీతవాచాలయా కయాఽపి ఘననీలయా కవచితా వయం లీలయా ।।౩।। కదమ్బవనమధ్యగాం కనకమణ్డలోపస్థితాం షడమ్బురుహవాసినీం సతతసిద్ధసౌదామినీమ్ । విడమ్బితజపారుచిం వికచచంద్రచూడామణిం త్రిలోచనకుటుమ్బినీం త్రిపురసున్దరీమాశ్రయే ।।౪।। కుచాఞ్చితవిపఞ్చికాం కుటిలకున్తలాలంకృతాం కుశేశయనివాసినీం కుటిలచిత్తవిద్వేషిణీమ్ । మదారుణవిలోచనాం మనసిజారిసంమోహినీం మతఙ్గమునికన్యకాం మధురభాషిణీమాశ్రయే ।।౫।। స్మరప్రథమపుష్పిణీం రుధిరబిన్దునీలామ్బరాం గృహీతమధుపాత్రికాం మదవిఘూణర్నేత్రాఞ్చలాం । ఘనస్తనభరోన్నతాం గలితచూలికాం శ్యామలాం త్రిలోచనకుటుంబినీం త్రిపురసున్దరీమాశ్రయే ।।౬।। సకుఙ్కుమవిలేపనామలకచుంబికస్తూరికాం సమన్దహసితేక్షణాం సశరచాపపాశాఙ్కుశామ్ । అశేషజనమోహినీమరుణమాల్య భూషామ్బరాం జపాకుసుమభాసురాం జపవిధౌ స్మరామ్యమ్బికామ్ ।।౭।। పురందరపురంధ్రికాం చికురబన్ధసైరంధ్రికాం పితామహపతివ్రతాం పటపటీరచచార్రతామ్ । ముకున్దరమణీమణీలసదలంక్రియాకారిణీం భజామి భువనాంబికాం సురవధూటికాచేటికామ్ ।।౮।। ।।ఇతి శ్రీమద్ శంకరాచార్యవిరచితం త్రిపురసున్దరీఅష్టకం సమాప్తం ।।