Venkateshwara Karavalamba Stotram

.. śrī veṅkaṭeśa karāvalamba stotram .. śrī śeṣaśaila suniketana divyamūrte nārāyaṇācyuta hare nalināyatākṣa . līlākaṭākṣa parirakṣita sarvaloka śrī veṅkaṭeśa mama dehi karāvalambam .. 1.. brahmādivanditapadāmbuja śaṅkhapāṇe śrīmatsudarśana suśobhita divyahasta . kāruṇyasāgara śaraṇya supuṇyamūrte śrī veṅkaṭeśa mama dehi karāvalambam .. 2.. vedānta- vedya bhavasāgara- karṇadhāra śrīpadmanābha kamalārcitapādapadma . lokaika- pāvana parātpara pāpahārin śrī veṅkaṭeśa mama dehi karāvalambam .. 3.. lakṣmīpate nigamalakṣya nijasvarūpa kāmādidoṣa parihāraka bodhadāyin . daityādimardana janārdana vāsudeva śrī veṅkaṭeśa mama dehi karāvalambam .. 4.. tāpatrayaṃ hara vibho rabhasā murāre saṃrakṣa māṃ karuṇayā sarasīruhākṣa . macchiṣyamityanudinaṃ parirakṣa viṣṇo śrī veṅkaṭeśa mama dehi karāvalambam .. 5.. śrī jātarūpanavaratna lasatkirīṭa- kastūrikātilakaśobhilalāṭadeśa . rākendubimba vadanāmbuja vārijākṣa śrī veṅkaṭeśa mama dehi karāvalambam .. 6.. vandāruloka- varadāna- vacovilāsa ratnāḍhyahāra pariśobhita kambukaṇṭha . keyūraratna suvibhāsi- digantarāla śrī veṅkaṭeśa mama dehi karāvalambam .. 7.. divyāṅgadāṅkita bhujadvaya maṅgalātman keyūrabhūṣaṇa suśobhita dīrghabāho . nāgendra- kaṅkaṇa karadvaya kāmadāyin śrī veṅkaṭeśa mama dehi karāvalambam .. 8.. svāmin jagaddharaṇavāridhimadhyamagna māmuddhāraya kṛpayā karuṇāpayodhe . lakṣmīṃśca dehi mama dharma samṛddhihetuṃ śrī veṅkaṭeśa mama dehi karāvalambam .. 9.. divyāṅgarāgaparicarcita komalāṅga pītāmbarāvṛtatano taruṇārka bhāsa satyāṃca nābha paridhāna supattu bandha śrī veṅkaṭeśa mama dehi karāvalambam .. 10.. ratnāḍhyadāma sunibaddha- kaṭi- pradeśa māṇikyadarpaṇa susannibha jānudeśa . jaṅghādvayena parimohita sarvaloka śrī veṅkaṭeśa mama dehi karāvalambam .. 11.. lokaikapāvana- saritpariśobhitāṅghre tvatpādadarśana dine ca mamāghamīśa . hārdaṃ tamaśca sakalaṃ layamāpa bhūman śrī veṅkaṭeśa mama dehi karāvalambam .. 12.. kāmādi- vairi- nivahocyuta me prayātaḥ dāridryamapyapagataṃ sakalaṃ dayālo . dīnaṃ ca māṃ samavalokya dayārdra dṛṣṭyā śrī veṅkaṭeśa mama dehi karāvalambam .. 13.. śrī veṅkaṭeśa padapaṅkaja ṣaṭpadena śrīmannṛsiṃhayatinā racitaṃ jagatyām . ye tatpaṭhanti manujāḥ puruṣottamasya te prāpnuvanti paramāṃ padavīṃ murāreḥ .. 14.. .. iti śrī śṛṅgeri jagadguruṇā śrī nṛsiṃha bhārati svāminā racitaṃ śrī veṅkaṭeśa karāvalamba stotraṃ saṃpūrṇam ..