Venkateshwara Karavalamba Stotram

.. శ్రీ వేఙ్కటేశ కరావలమ్బ స్తోత్రమ్ .. శ్రీ శేషశైల సునికేతన దివ్యమూర్తే నారాయణాచ్యుత హరే నలినాయతాక్ష . లీలాకటాక్ష పరిరక్షిత సర్వలోక శ్రీ వేఙ్కటేశ మమ దేహి కరావలమ్బమ్ .. ౧.. బ్రహ్మాదివన్దితపదామ్బుజ శఙ్ఖపాణే శ్రీమత్సుదర్శన సుశోభిత దివ్యహస్త . కారుణ్యసాగర శరణ్య సుపుణ్యమూర్తే శ్రీ వేఙ్కటేశ మమ దేహి కరావలమ్బమ్ .. ౨.. వేదాన్త- వేద్య భవసాగర- కర్ణధార శ్రీపద్మనాభ కమలార్చితపాదపద్మ . లోకైక- పావన పరాత్పర పాపహారిన్ శ్రీ వేఙ్కటేశ మమ దేహి కరావలమ్బమ్ .. ౩.. లక్ష్మీపతే నిగమలక్ష్య నిజస్వరూప కామాదిదోష పరిహారక బోధదాయిన్ . దైత్యాదిమర్దన జనార్దన వాసుదేవ శ్రీ వేఙ్కటేశ మమ దేహి కరావలమ్బమ్ .. ౪.. తాపత్రయం హర విభో రభసా మురారే సంరక్ష మాం కరుణయా సరసీరుహాక్ష . మచ్ఛిష్యమిత్యనుదినం పరిరక్ష విష్ణో శ్రీ వేఙ్కటేశ మమ దేహి కరావలమ్బమ్ .. ౫.. శ్రీ జాతరూపనవరత్న లసత్కిరీట- కస్తూరికాతిలకశోభిలలాటదేశ . రాకేన్దుబిమ్బ వదనామ్బుజ వారిజాక్ష శ్రీ వేఙ్కటేశ మమ దేహి కరావలమ్బమ్ .. ౬.. వన్దారులోక- వరదాన- వచోవిలాస రత్నాఢ్యహార పరిశోభిత కమ్బుకణ్ఠ . కేయూరరత్న సువిభాసి- దిగన్తరాల శ్రీ వేఙ్కటేశ మమ దేహి కరావలమ్బమ్ .. ౭.. దివ్యాఙ్గదాఙ్కిత భుజద్వయ మఙ్గలాత్మన్ కేయూరభూషణ సుశోభిత దీర్ఘబాహో . నాగేన్ద్ర- కఙ్కణ కరద్వయ కామదాయిన్ శ్రీ వేఙ్కటేశ మమ దేహి కరావలమ్బమ్ .. ౮.. స్వామిన్ జగద్ధరణవారిధిమధ్యమగ్న మాముద్ధారయ కృపయా కరుణాపయోధే . లక్ష్మీంశ్చ దేహి మమ ధర్మ సమృద్ధిహేతుం శ్రీ వేఙ్కటేశ మమ దేహి కరావలమ్బమ్ .. ౯.. దివ్యాఙ్గరాగపరిచర్చిత కోమలాఙ్గ పీతామ్బరావృతతనో తరుణార్క భాస సత్యాంచ నాభ పరిధాన సుపత్తు బన్ధ శ్రీ వేఙ్కటేశ మమ దేహి కరావలమ్బమ్ .. ౧౦.. రత్నాఢ్యదామ సునిబద్ధ- కటి- ప్రదేశ మాణిక్యదర్పణ సుసన్నిభ జానుదేశ . జఙ్ఘాద్వయేన పరిమోహిత సర్వలోక శ్రీ వేఙ్కటేశ మమ దేహి కరావలమ్బమ్ .. ౧౧.. లోకైకపావన- సరిత్పరిశోభితాఙ్ఘ్రే త్వత్పాదదర్శన దినే చ మమాఘమీశ . హార్దం తమశ్చ సకలం లయమాప భూమన్ శ్రీ వేఙ్కటేశ మమ దేహి కరావలమ్బమ్ .. ౧౨.. కామాది- వైరి- నివహోచ్యుత మే ప్రయాతః దారిద్ర్యమప్యపగతం సకలం దయాలో . దీనం చ మాం సమవలోక్య దయార్ద్ర దృష్ట్యా శ్రీ వేఙ్కటేశ మమ దేహి కరావలమ్బమ్ .. ౧౩.. శ్రీ వేఙ్కటేశ పదపఙ్కజ షట్పదేన శ్రీమన్నృసింహయతినా రచితం జగత్యామ్ . యే తత్పఠన్తి మనుజాః పురుషోత్తమస్య తే ప్రాప్నువన్తి పరమాం పదవీం మురారేః .. ౧౪.. .. ఇతి శ్రీ శృఙ్గేరి జగద్గురుణా శ్రీ నృసింహ భారతి స్వామినా రచితం శ్రీ వేఙ్కటేశ కరావలమ్బ స్తోత్రం సంపూర్ణమ్ ..