Home / Narasimha / StotramNARASIMHA · STOTRAM
Narasimha Stotram
నృసింహస్తోత్రమ్
Narasimha Stotram is a traditional Narasimha devotional reading. This page presents the full text of the linked Wikisource edition, with Telugu and IAST transliterations.
శ్రీ గణేశాయ నమః ।
బ్రహ్మోవాచ ।
నతోఽస్మ్యనన్తాయ దురన్తశక్తయే విచిత్రవీర్యాయ పవిత్రకర్మణే ।
విశ్వస్య సర్గస్థితిసంయమాన్గుణైః స్వలీలయా సన్దధతేఽవ్యయాత్మనే ॥ ౧॥
శ్రీరుద్ర ఉవాచ ।
కోపకాలో యుగాన్తస్తే హతోఽయమసురోఽల్పకః ।
తత్సుతం పాహ్యుపసృతం భక్తం తే భక్తవత్సల ॥ ౨॥
ఇన్ద్ర ఉవాచ ।
ప్రత్యానీతాః పరమ భవతా త్రాయతాం నః స్వభాగా
దైత్యాక్రాన్తం హృదయకమలం త్వద్గృహం ప్రత్యబోధి ।
కాలగ్రస్తం కియదిదమహో నాథ శుశ్రూషతాం తే
ముక్తిస్తేషాం న హి బహుమతా నారసింహాపరైః కిమ్ ॥ ౩॥
ఋషయ ఊచుః ।
త్వం నస్తపః పరమమాత్థ యదాత్మతేజో యేనేదమాదిపురుషాత్మగతం ససర్జ ।
తద్విప్రలుప్తమమునాద్య శరణ్యపాల రక్షాగృహీతవపుషా పునరన్వమంస్థాః ॥ ౪॥
పితర ఊచుః ।
శ్రాద్ధాని నోఽధిబుభుజే ప్రసభం తనూజైర్దత్తాని తీర్థసమయేఽప్యపిబత్తిలామ్బు ।
తస్యోదరాన్నఖవిదీర్ణవపాద్య ఆర్చ్ఛత్తస్మై నమో నృహరయేఽఖిల ధర్మగోప్త్రే ॥ ౫॥
సిద్ధా ఊచుః ।
యో నో గతిం యోగసిద్ధామసాధురహారషీద్యోగతపోబలేన ।
నానాదర్పం తం నఖైర్నిర్దదార తస్మై తుభ్యం ప్రణతాః స్మో నృసింహ ॥ ౬॥
విద్యాధరా ఊచుః ।
విద్యాం పృథగ్ధారణయాఽనురాద్ధాం న్యషేధదజ్ఞో బలవీర్యదృప్తః ।
స యేన సంఖ్యే పశుబద్ధతస్తం మాయానృసింహం ప్రణతాః స్మ నిత్యమ్ ॥ ౭॥
నాగా ఊచుః ।
యేన పాపేన రత్నాని స్త్రీరత్నాని హృతాని నః ।
తద్వక్షఃపాటనేనాసాం దత్తానన్ద నమోఽస్తు తే ॥ ౮॥
మనవ ఊచుః ।
మనవో వయం తవ నిదేశకారిణో దితిజేన దేవ పరిభూతసేతవః ।
భవతా ఖలః స ఉపసంహృతః ప్రభో కరవామ తే కిమనుశాధి కిఙ్కరాన్ ॥ ౯॥
ప్రజాపతయ ఊచుః ।
ప్రజేశా వయం తే పరేశాభిసృష్టా న యేన ప్రజా వై సృజామో నిషిద్ధాః ।
స ఏష త్వయా భిన్నవక్షానుశేతే జగన్మఙ్గలం సత్త్వమూర్తేఽవహారః ॥ ౧౦॥
గన్ధర్వా ఊచుః ।
వయం విభో తే నటనాట్యగాయకా యేనాత్మసాద్వీర్యబలౌజసా కృతాః ।
స ఏష నీతో భవతా దశామిమాం కిముత్పథస్థః కుశలాయ కల్పతే ॥ ౧౧॥
చారణా ఊచుః ।
హరే తవాంగ్ఘ్రిపఙ్కజం భవాపవర్గమాశ్రితాః ।
యదేవ సాధు హృచ్ఛయస్త్వయాఽసురః సమాపితః ॥ ౧౨॥
యక్షా ఊచుః ।
వయమనుచరముఖ్యాః కర్మభిస్తే మనోజ్ఞైస్త ఇహ దితిసుతేన ప్రాపితా వాహకత్వమ్ ।
స తు జనపరితాపం తత్కృతం జానతా తే నరహర ఉపనీతః పఞ్చతాం పఞ్చవింశః ॥ ౧౩॥
కిమ్పురుషా ఊచుః ।
వయం కిమ్పురుషాస్త్వం తు మహాపురుష ఈశ్వర ।
అయం కుపురుషో నష్టో ధిక్కృతః సాధుభిర్యదా ॥ ౧౪॥
వైతాలికా ఊచుః ।
సభాసు సత్రేషు తవామలం యశో గీత్వా సపర్యాం మహతీం లభామహే ।
యస్తాం వ్యనైషీద్భృశమేష దుర్జనో దిష్ట్యా హతస్తే భగవన్యథామయః ॥ ౧౫॥
కిన్నరా ఊచుః ।
వయమీశ కిన్నరగణాస్తవానుగా దితిజేన విష్టిమమునాఽనుకారితాః ।
భవతా హరే స వృజినోఽవసాదితో నరసింహ నాథ విభవాయ నో భవ ॥ ౧౬॥
విష్ణుపార్షదా ఊచుః ।
అద్యైతద్ధరినరరూపమద్భుతం తే దృష్టం నః శరణద సర్వలోకశర్మ ।
సోఽయం తే విధికర ఈశ విప్రశప్తస్తస్యేదం నిధనమనుగ్రహాయ విద్మః ॥ ౧౭॥
॥ ఇతి శ్రీమద్భాగవతాన్తర్గతే సప్తమస్కన్ధేఽష్టమధ్యాయే నృసింహస్తోత్రం సమ్పూర్ణమ్ ॥
Reading & reflection
This hymn addresses Narasimha through devotional names and imagery. Begin with a quiet breath, read one verse at a time, and leave a short pause between stanzas.
Text edition & attribution
Complete text of नृसिंहस्तोत्रम् on Sanskrit Wikisource, revision 92989, contributed by Wikisource editors. Text and generated transliterations are shared under CC BY-SA 4.0.
Changes: interface material removed, spacing normalized, and Telugu and IAST transliterations generated. The source may contain transcription variants; automated transliterations have not been independently proofread. No source verses have been intentionally shortened.