Narayana Kavacham

రాజోవాచ । యయా గుప్తః సహస్రాక్షః సవాహాన్రిపుసైనికాన్ । క్రీడన్నివ వినిర్జిత్య త్రిలోక్యా బుభుజే శ్రియమ్ ॥ ౧॥ భగవంస్తన్మమాఖ్యాహి వర్మ నారాయణాత్మకమ్ । యథాఽఽతతాయినః శత్రూన్ యేన గుప్తోఽజయన్మృధే ॥ ౨॥ శ్రీశుక ఉవాచ । వృతః పురోహితస్త్వాష్ట్రో మహేన్ద్రాయానుపృచ్ఛతే । నారాయణాఖ్యం వర్మాహ తదిహైకమనాః శృణు ॥ ౩॥ విశ్వరూప ఉవాచ । ధౌతాణ్ఘ్రిపాణిరాచమ్య సపవిత్ర ఉదణ్ముఖః । కృతస్వాణ్గకరన్యాసో మన్త్రాభ్యాం వాగ్యతః శుచిః ॥ ౪॥ నారాయణమయం వర్మ సన్నహ్యేద్భయ ఆగతే । పాదయోర్జానునోరూర్వోరుదరే హృద్యథోరసి ॥ ౫॥ ముఖే శిరస్యానుపూర్వ్యాదోంకారాదీని విన్యసేత్ । ఓం నమో నారాయణాయేతి విపర్యయమథాపి వా ॥ ౬॥ కరన్యాసం తతః కుర్యాద్ద్వాదశాక్షరవిద్యయా । ప్రణవాదియకారాన్తమణ్గుల్యణ్గుష్ఠపర్వసు ॥ ౭॥ న్యసేద్ధృదయ ఓంకారం వికారమను మూర్ధని । షకారం తు భ్రువోర్మధ్యే ణకారం శిఖయా దిశేత్ ॥ ౮॥ వేకారం నేత్రయోర్యుJణ్జ్యాన్నకారం సర్వసన్ధిషు । మకారమస్త్రముద్దిశ్య మన్త్రమూర్తిర్భవేద్బుధః ॥ ౯॥ సవిసర్గం ఫడన్తం తత్ సర్వదిక్షు వినిర్దిశేత్ । ఓం విష్ణవే నమ ఇతి ॥ ౧౦॥ ఆత్మానం పరమం ధ్యాయేద్ధ్యేయం షట్శక్తిభిర్యుతమ్ । విద్యాతేజస్తపోమూర్తిమిమం మన్త్రముదాహరేత్ ॥ ౧౧॥ ఓం హరిర్విదధ్యాన్మమ సర్వరక్షాం న్యస్తాణ్ఘ్రిపద్మః పతగేన్ద్రపృష్ఠే । దరారిచర్మాసిగదేషుచాప- పాశాన్దధానోఽష్టగుణోఽష్టబాహుః ॥ ౧౨॥ జలేషు మాం రక్షతు మత్స్యమూర్తి- ర్యాదోగణేభ్యో వరుణస్య పాశాత్ । స్థలేషు మాయావటువామనోఽవ్యాత్ త్రివిక్రమః ఖేఽవతు విశ్వరూపః ॥ ౧౩॥ దుర్గేష్వటవ్యాజిముఖాదిషు ప్రభుః పాయాన్నృసింహోఽసురయూథపారిః । విముJణ్చతో యస్య మహాట్టహాసం దిశో వినేదుర్న్యపతంశ్చ గర్భాః ॥ ౧౪॥ రక్షత్వసౌ మాధ్వని యజ్ఞకల్పః స్వదంష్ట్రయోన్నీతధరో వరాహః । రామోఽద్రికూటేష్వథ విప్రవాసే సలక్ష్మణోఽవ్యాద్భరతాగ్రజోఽస్మాన్ ॥ ౧౫॥ మాముగ్రధర్మాదఖిలాత్ప్రమాదా- న్నారాయణః పాతు నరశ్చ హాసాత్ । దత్తస్త్వయోగాదథ యోగనాథః పాయాద్గుణేశః కపిలః కర్మబన్ధాత్ ॥ ౧౬॥ సనత్కుమారోఽవతు కామదేవా- ద్ధయశీర్షా మాం పథి దేవహేలనాత్ । దేవర్షివర్యః పురుషార్చనాన్తరాత్ కూర్మో హరిర్మాం నిరయాదశేషాత్ ॥ ౧౭॥ ధన్వన్తరిర్భగవాన్పాత్వపథ్యా- ద్ద్వన్ద్వాద్భయాదృషభో నిర్జితాత్మా । యజ్ఞశ్చ లోకాదవతాJణ్జనాన్తా- ద్బలో గణాత్క్రోధవశాదహీన్ద్రః ॥ ౧౮॥ ద్వైపాయనో భగవానప్రబోధా- ద్బుద్ధస్తు పాఖణ్డగణప్రమాదాత్ । కల్కిః కలేః కాలమలాత్ప్రపాతు ధర్మావనాయోరుకృతావతారః ॥ ౧౯॥ మాం కేశవో గదయా ప్రాతరవ్యా- ద్గోవిన్ద ఆసణ్గవమాత్తవేణుః । నారాయణః ప్రాహ్ణ ఉదాత్తశక్తి- ర్మధ్యన్దినే విష్ణురరీన్ద్రపాణిః ॥ ౨౦॥ దేవోఽపరాహ్ణే మధుహోగ్రధన్వా సాయం త్రిధామావతు మాధవో మామ్ । దోషే హృషీకేశ ఉతార్ధరాత్రే నిశీథ ఏకోఽవతు పద్మనాభః ॥ ౨౧॥ శ్రీవత్సధామాపరరాత్ర ఈశః ప్రత్యుష ఈశోఽసిధరో జనార్దనః । దామోదరోఽవ్యాదనుసన్ధ్యం ప్రభాతే విశ్వేశ్వరో భగవాన్ కాలమూర్తిః ॥ ౨౨॥ చక్రం యుగాన్తానలతిగ్మనేమి భ్రమత్సమన్తాద్భగవత్ప్రయుక్తమ్ । దన్దగ్ధి దన్దగ్ధ్యరిసైన్యమాశు కక్షం యథా వాతసఖో హుతాశః ॥ ౨౩॥ గదేఽశనిస్పర్శనవిస్ఫులిణ్గే నిష్పిణ్ఢి నిష్పిణ్ఢ్యజితప్రియాసి । కూష్మాణ్డవైనాయకయక్షరక్షో- భూతగ్రహాంశ్చూర్ణయ చూర్ణయారీన్ ॥ ౨౪॥ త్వం యాతుధానప్రమథప్రేతమాతృ- పిశాచవిప్రగ్రహఘోరదృష్టీన్ । దరేన్ద్ర విద్రావయ కృష్ణపూరితో భీమస్వనోఽరేహృ।ర్దయాని కమ్పయన్ ॥ ౨౫॥ త్వం తిగ్మధారాసివరారిసైన్య- మీశప్రయుక్తో మమ ఛిన్ధి ఛిన్ధి । చక్షూంషి చర్మJణ్ఛతచన్ద్ర ఛాదయ ద్విషామఘోనాం హర పాపచక్షుషామ్ ॥ ౨౬॥ యన్నో భయం గ్రహేభ్యోఽభూత్కేతుభ్యో నృభ్య ఏవ చ । సరీసృపేభ్యో దంష్ట్రిభ్యో భూతేభ్యోంఽహోభ్య వా ॥ ౨౭ ॥ సర్వాణ్యేతాని భగవన్నామరూపాస్త్రకీర్తనాత్ । ప్రయాన్తు సంక్షయం సద్యో యే నః శ్రేయఃప్రతీపకాః ॥ ౨౮॥ గరుడో భగవాన్ స్తోత్రస్తోభశ్ఛన్దోమయః ప్రభుః । రక్షత్వశేషకృచ్ఛ్రేభ్యో విష్వక్సేనః స్వనామభిః ॥ ౨౯ ॥ సర్వాపద్భ్యో హరేర్నామరూపయానాయుధాని నః । బుద్ధీన్ద్రియమనఃప్రాణాన్పాన్తు పార్షదభూషణాః ॥ ౩౦॥ యథా హి భగవానేవ వస్తుతః సదసచ్చ యత్ । సత్యేనానేన నః సర్వే యాన్తు నాశముపద్రవాః ॥ ౩౧॥ యథైకాత్మ్యానుభావానాం వికల్పరహితః స్వయమ్ । భూషణాయుధలిణ్గాఖ్యా ధత్తే శక్తీః స్వమాయయా ॥ ౩౨॥ తేనైవ సత్యమానేన సర్వజ్ఞో భగవాన్ హరిః । పాతు సర్వైః స్వరూపైర్నః సదా సర్వత్ర సర్వగః ॥ ౩౩॥ విదిక్షు దిక్షూర్ధ్వమధః సమన్తా- దన్తర్బహిర్భగవాన్నారసింహః । ప్రహాపయం।cలోకభయం స్వనేన స్వతేజసా గ్రస్తసమస్తతేజాః ॥ ౩౪॥ మఘవన్నిదమాఖ్యాతం వర్మ నారాయణాత్మకమ్ । విజేష్యస్యJణ్జసా యేన దంశితోఽసురయూథపాన్ ॥ ౩౫॥ ఏతద్ధారయమాణస్తు యం యం పశ్యతి చక్షుషా । పదా వా సంస్పృశేత్సద్యః సాధ్వసాత్స విముచ్యతే ॥ ౩౬॥ న కుతశ్చిద్భయం తస్య విద్యాం ధారయతో భవేత్ । రాజదస్యుగ్రహాదిభ్యో వ్యాఘ్రాదిభ్యశ్చ కర్హిచిత్ ॥ ౩౭॥ ఇమాం విద్యాం పురా కశ్చిత్కౌశికో ధారయన్ ద్విజః । యోగధారణయా స్వాణ్గం జహౌ స మరుధన్వని ॥ ౩౮॥ తస్యోపరి విమానేన గన్ధర్వపతిరేకదా । యయౌ చిత్రరథః స్త్రీభిర్వృతో యత్ర ద్విజక్షయః ॥ ౩౯ ॥ గగనాన్న్యపతత్సద్యః సవిమానో హ్యవాక్షిరాః । స వాలఖిల్యవచనాదస్థీన్యాదాయ విస్మితః । ప్రాస్య ప్రాచీసరస్వత్యాం స్నాత్వా ధామ స్వమన్వగాత్ ॥ ౪౦॥ శ్రీశుక ఉవాచ । య ఇదం శృణుయాత్కాలే యో ధారయతి చాదృతః । తం నమస్యన్తి భూతాని ముచ్యతే సర్వతో భయాత్ ॥ ౪౧॥ ఏతాం విద్యామధిగతో విశ్వరూపాచ్ఛతక్రతుః । త్రైలోక్యలక్ష్మీం బుభుజే వినిర్జిత్య మృధేఽసురాన్ ॥ ౪౨॥ ॥ ఇతి శ్రీమద్భాగవతమహాపురాణే పారమహంస్యాం సంహితాయాం షష్ఠస్కన్ధే నారాయణవర్మకథనం నామాష్టమోఽధ్యాయః ॥