Narayana Stotram

nārāyaṇa nārāyaṇa jaya govinda hare || nārāyaṇa nārāyaṇa jaya gopāla hare || dhru || karuṇāpārāvāra varuṇālayagambhīra || nārāyaṇa || 1|| ghananīradasaṅkāśa kṛtakalikalmaṣanāśa || nārāyaṇa || 2|| yamunātīravihāra dhṛtakaustubhamaṇihāra || nārāyaṇa || 3|| pītāmbaraparidhāna surakalyāṇanidhāna || nārāyaṇa || 4|| mañjulaguñjābhūṣa māyāmānuṣaveṣa || nārāyaṇa || 5|| rādhādharamadhurasika rajanīkarakulatilaka || nārāyaṇa || 6|| muralīgānavinoda vedastutabhūpāda || nārāyaṇa || 7|| barhinibarhāpīḍa naṭanāṭakaphaṇikrīḍa || nārāyaṇa || 8|| vārijabhūṣābharaṇa rājivarukmiṇīramaṇa || nārāyaṇa || 9|| jalaruhadalanibhanetra jagadārambhakasūtra || nārāyaṇa || 10|| pātakarajanīsaṃhara karuṇālaya māmuddhara || nārāyaṇa || 11|| aghabakakṣayakaṃsāre keśava kṛṣṇa murāre || nārāyaṇa || 12|| hāṭakanibhapītāmbara abhayaṃ kuru me māvara || nārāyaṇa || 13|| daśaratharājakumāra dānavamadasaṃhāra || nārāyaṇa || 14|| govardhanagiriramaṇa gopīmānasaharaṇa || nārāyaṇa || 15|| śarayūtīravihāra sajjanaṛṣimandāra || nārāyaṇa || 16|| viśvāmitramakhatra vividhaparāsucaritra || nārāyaṇa || 17|| dhvajavajrāṅkuśapāda dharaṇīsutasahamoda || nārāyaṇa || 18|| janakasutāpratipāla jaya jaya saṃsṛtilīla || nārāyaṇa || 19|| daśarathavāgdhṛtibhāra daṇḍakavanasañcāra || nārāyaṇa || 20|| muṣṭikacāṇūrasaṃhāra munimānasavihāra || nārāyaṇa || 21|| vālivinigrahaśaurya varasugrīvahitārya || nārāyaṇa || 22|| māṃ muralīkara dhīvara pālaya pālaya śrīdhara || nārāyaṇa || 23|| jalanidhibandhanadhīra rāvaṇakaṇṭhavidāra || nārāyaṇa || 24|| tāṭīmadadalanāḍhya naṭaguṇavividhadhanāḍhya || nārāyaṇa || 25|| gautamapatnīpūjana karuṇāghanāvalokana || nārāyaṇa || 26|| sambhramasītāhāra sāketapuravihāra || nārāyaṇa || 27|| acaloddhṛticañcatkara bhaktānugrahatatpara || nārāyaṇa || 28|| naigamagānavinoda rakṣaḥsutaprahlāda || nārāyaṇa || 29|| bhāratīyativaraśaṅkara nāmāmṛtamakhilāntara || nārāyaṇa || 30|| | iti śrīmacchaṅkarācāryaviracitaṃ nārāyaṇastotraṃ sampūrṇam |