NAVAGRAHA · STOTRAM

Navagraha Stotram

నవగ్రహస్తోత్రమ్

Navagraha Stotram is a traditional Navagraha devotional reading. This page presents the full text of the linked Wikisource edition, with Telugu and IAST transliterations.

తెలుగు देवनागरी English (IAST)

|| atha navagrahastotram || || raviḥ || japākusumasaṅkāśaṃ kāśyapeyaṃ mahādyutim| tamo'riṃ sarvapāpaghnaṃ praṇato'smi divākaram||1|| || somaḥ || dadhiśaṅkhatuṣārābhaṃ kṣīrodārṇavasambhavam| namāmi śaśinaṃ somaṃ śambhormukuṭabhūṣaṇam||2|| || maṅgalaḥ || dharaṇīgarbhasambhūtaṃ vidyutkāntisamaprabham| kumāraṃ śaktihastaṃ taṃ maṅgalaṃ praṇamāmyaham||3|| || budhaḥ || priyaṅgukalikāśyāmaṃ rūpeṇāpratimaṃ budham| saumyaṃ saumyaguṇopetaṃ taṃ budhaṃ praṇamāmyaham||4|| || guruḥ || devānāṃ ca ṛṣīṇāṃ ca guruṃ kāñcanasannibham| buddhibhūtaṃ trilokeśaṃ taṃ namāmi bṛhaspatim||5|| || śukraḥ || himakundamṛṇālābhaṃ daityānāṃ paramaṃ gurum| sarvaśāstrapravaktāraṃ bhārgavaṃ praṇamāmyaham||6|| || śaniḥ || nīlāñjanasamābhāsaṃ raviputraṃ yamāgrajam| chāyāmārtaṇḍasambhūtaṃ taṃ namāmi śanaiścaram||7|| || rāhuḥ || ardhakāyaṃ mahāvīryaṃ candrādityavimardanam| siṃhikāgarbhasaṃbhūtaṃ taṃ rāhuṃ praṇamāmyaham||8|| || ketuḥ || palāśapuṣpasaṅkāśaṃ tārakāgrahamastakam| raudraṃ raudrātmakaṃ ghoraṃ taṃ ketuṃ praṇamāmyaham||9|| || phalaśrutiḥ || iti vyāsamukhodgītaṃ yaḥ paṭhetsusamāhitaḥ| divā vā yadi vā rātrau vighnaśāntirbhaviṣyati|| naranārīnṛpāṇāṃ ca bhavedduḥsvapnanāśanam| aiśvaryamatulaṃ teṣāmārogyaṃ puṣṭivardhanam|| grahanakṣatrajāḥ pīḍāstaskarāgnisamudbhavāḥ| tāḥ sarvāḥ praśamaṃ yānti vyāso brūte na saṃśayaḥ|| || iti śrīvyāsaviracitam ādityādinavagrahastotraṃ sampūrṇam || || atha navagrahapīḍāharastotram || || raviḥ || grahāṇāmādirādityo lokarakṣaṇakārakaḥ| viṣamasthānasambhūtāṃ pīḍāṃ haratu me raviḥ||1|| || somaḥ || rohiṇīśaḥ sudhāmūrtiḥ sudhāgātraḥ sudhāśanaḥ| viṣamasthānasambhūtāṃ pīḍāṃ haratu me vidhuḥ||2|| || maṅgalaḥ || bhūmiputro mahātejā jagatāṃ bhayakṛtsadā| vṛṣṭikṛddṛṣṭihartā ca pīḍāṃ haratu me kujaḥ||3|| || budhaḥ || utpātarūpo jagatāṃ candraputro mahādyutiḥ| sūryapriyakaro vidvān pīḍāṃ haratu me budhaḥ||4|| || guruḥ || devamantrī viśālākṣaḥ sadā lokahite rataḥ| anekaśiṣyasampūrṇaḥ pīḍāṃ haratu me guruḥ||5|| || śukraḥ || daityamantrī gurusteṣāṃ prāṇadaśca mahāmatiḥ| prabhustārāgrahāṇāṃ ca pīḍāṃ haratu me bhṛguḥ||6|| || śaniḥ || sūryaputro dīrghadeho viśālākṣaḥ śivapriyaḥ| dīrghācāraḥ prasannātmā pīḍāṃ haratu me śaniḥ||7|| || rāhuḥ || anekarūpavarṇeśca śataśo'tha sahasradṛk| utpātarūpo jagatāṃ pīḍāṃ haratu me tamaḥ||8|| || ketuḥ || mahāśirā mahāvaktro dīrghadaṃṣṭro mahābalaḥ| atanuścordhvakeśaśca pīḍāṃ haratu me śikhīḥ||9|| || iti brahmāṇḍapurāṇoktaṃ navagrahapīḍāharastotraṃ sampūrṇam || —

Reading & reflection

This hymn addresses Navagraha through devotional names and imagery. Begin with a quiet breath, read one verse at a time, and leave a short pause between stanzas.

Text edition & attribution

Complete text of नवग्रहस्तोत्रम् on Sanskrit Wikisource, revision 409357, contributed by Wikisource editors. Text and generated transliterations are shared under CC BY-SA 4.0.

Changes: interface material removed, spacing normalized, and Telugu and IAST transliterations generated. The source may contain transcription variants; automated transliterations have not been independently proofread. No source verses have been intentionally shortened.