Home / Devi / StotramDEVI · STOTRAM
Bhavani Ashtakam
భవాన్యష్టకమ్
Bhavani Ashtakam is a traditional Devi devotional reading. This page presents the full text of the linked Wikisource edition, with Telugu and IAST transliterations.
న తాతో న మాతా న బన్ధుర్న దాతా న పుత్రో న పుత్రీ న భృత్యో న భర్తా।
న జాయా న విద్యా న వృత్తిర్మమైవ గతిస్త్వం గతిస్త్వం త్వమేకా భవాని ॥౧॥
భవాబ్ధావపారే మహాదుఃఖభీరు పపాత ప్రకామీ ప్రలోభీ ప్రమత్తః।
కుసంసారపాశప్రబద్ధః సదాహం గతిస్త్వం గతిస్త్వం త్వమేకా భవాని ॥౨॥
న జానామి దానం న చ ధ్యానయోగం న జానామి తన్త్రం న చ స్తోత్రమన్త్రమ్।
న జానామి పూజాం న చ న్యాసయోగమ్ గతిస్త్వం గతిస్త్వం త్వమేకా భవాని ॥౩॥
న జానామి పుణ్యం న జానామి తీర్థం న జానామి ముక్తిం లయం వా కదాచిత్।
న జానామి భక్తిం వ్రతం వాపి మాతర్గతిస్త్వం గతిస్త్వం త్వమేకా భవాని ॥౪॥
కుకర్మీ కుసఙ్గీ కుబుద్ధిః కుదాసః కులాచారహీనః కదాచారలీనః।
కుదృష్టిః కువాక్యప్రబన్ధః సదాహమ్ గతిస్త్వం గతిస్త్వం త్వమేకా భవాని ॥౫॥
ప్రజేశం రమేశం మహేశం సురేశం దినేశం నిశీథేశ్వరం వా కదాచిత్।
న జానామి చాన్యత్ సదాహం శరణ్యే గతిస్త్వం గతిస్త్వం త్వమేకా భవాని ॥౬॥
వివాదే విషాదే ప్రమాదే ప్రవాసే జలే చానలే పర్వతే శత్రుమధ్యే।
అరణ్యే శరణ్యే సదా మాం ప్రపాహి గతిస్త్వం గతిస్త్వం త్వమేకా భవాని ॥౭॥
అనాథో దరిద్రో జరారోగయుక్తో మహాక్షీణదీనః సదా జాడ్యవక్త్రః।
విపత్తౌ ప్రవిష్టః ప్రనష్టః సదాహమ్ గతిస్త్వం గతిస్త్వం త్వమేకా భవాని ॥౮॥
ఇతి శ్రీమచ్ఛడ़్కరాచార్యకృతం భవాన్యష్టకం సమ్పూర్ణమ్।
Reading & reflection
This hymn addresses Devi through devotional names and imagery. Begin with a quiet breath, read one verse at a time, and leave a short pause between stanzas.
Text edition & attribution
Complete text of भवान्यष्टकम् on Sanskrit Wikisource, revision 35918, contributed by Wikisource editors. Text and generated transliterations are shared under CC BY-SA 4.0.
Changes: interface material removed, spacing normalized, and Telugu and IAST transliterations generated. The source may contain transcription variants; automated transliterations have not been independently proofread. No source verses have been intentionally shortened.