Bilvashtakam

త్రిదలం త్రిగుణాకారం త్రిణేత్రం చ త్రియాయుధమ్ । త్రిజన్మపాపసంహారమ్ ఏకబిల్వం శివార్పణమ్ ॥ ౧॥ త్రిశాకైర్బిల్వపత్రైశ్చ అచ్ఛిద్రైః కోమలైశ్శుభైః । తవ పూజాం కరిష్యామి ఏకబిల్వం శివార్పణమ్ ॥ ౨॥ దర్శనం బిల్వవృక్షస్య స్పర్శనం పాపనాశనమ్ । అఘోరపాపసంహారమ్ ఏకబిల్వం శివార్పణమ్ ॥ ౩॥ కాశీక్షేత్రనివాసం చ కాలభైరవదర్శనమ్ । ప్రయాగే మాధవం దృష్ట్వా ఏకబిల్వం శివార్పణమ్ ॥ ౪॥ తులసీ బిల్వనిర్గుణ్డీ జంబీరామలకం తథా । పఞ్చబిల్వమితి ఖ్యాతా ఏకబిల్వం శివార్పణమ్ ॥ ౫॥ తటాకం ధననిక్షేపం బ్రహ్మస్థాప్యం శివాలయమ్ । కోటికన్యామహాదానమ్ ఏకబిల్వం శివార్పణమ్ ॥ ౬॥ దన్త్యశ్వకోటిదానాని అశ్వమేధశతాని చ । కోటికన్యామహాదానమ్ ఏకబిల్వం శివార్పణమ్ ॥ ౭॥ సాలగ్రామసహస్రాణి విప్రాన్నం శతకోటికమ్ । యజ్ఞకోటిసహస్రాణి ఏకబిల్వం శివార్పణమ్ ॥ ౮॥ అజ్ఞానేన కృతం పాపం జ్ఞానేనాపి కృతం చ యత్ । తత్సర్వం నాశమాయాతు ఏకబిల్వం శివార్పణమ్ ॥ ౯॥ ఏకైకబిల్వపత్రేణ కోటియజ్ఞఫలం లభేత్ । మహాదేవస్య పూజార్థమ్ ఏకబిల్వం శివార్పణమ్ ॥ ౧౦॥ అమృతోద్భవవృక్షస్య మహాదేవప్రియస్య చ । ముచ్యన్తే కణ్టకాఘాతా కణ్టకేభ్యో హి మానవాః ॥ ౧౧॥ ॥ ఓం తత్సత్ ॥