Shiva Manasa Puja

||శ్రీ శివమానసపూజా || రత్నైః కల్పితమాసనం హిమజలైః స్నానం చ దివ్యామ్బరం నానారత్నవిభూషితం మృగమదామోదాఙ్కితం చన్దనమ్ । జాతీచమ్పకబిల్వపత్రరచితం పుష్పం చ ధూపం తథా దీపం దేవ దయానిధే పశుపతే హృత్కల్పితం గృహ్యతామ్ ॥౧॥ సౌవర్ణే నవరత్నఖణ్డరచితే పాత్రే ఘృతం పాయసం భక్ష్యం పఞ్చవిధం పయోదధియుతం రమ్భాఫలం పానకమ్ । శాకానామయుతం జలం రుచికరం కర్పూరఖణ్డోజ్జ్వలమ్ తామ్బూలం మనసా మయా విరచితం భక్త్యా ప్రభో స్వీకురు ॥౨॥ ఛత్రం చామరయోర్యుగం వ్యజనకం చాదర్శకం నిర్మలం వీణాభేరిమృదఙ్గకాహలకలా గీతం చ నృత్యం తథా । సాష్టాఙ్గం ప్రణతిః స్తుతిర్బహువిధా హ్యేతత్సమస్తం మయా సఙ్కల్పేన సమర్పితం తవ విభో పూజాం గృహాణ ప్రభో ॥౩॥ ఆత్మా త్వం గిరిజా మతిః సహచరాః ప్రాణాః శరీరం గృహం పూజా తే విషయోపభోగరచనా నిద్రా సమాధిస్థితిః । సఞ్చారః పదయోః ప్రదక్షిణవిధిః స్తోత్రాణి సర్వా గిరో యద్యత్కర్మ కరోమి తత్తదఖిలం శమ్భో తవారాధనమ్ ॥౪॥ ఇత్యేవం హరపూజనే ప్రతిదినం యో వా త్రిసన్ధ్యం స్మరేత్ సేవాశ్లోకచతుష్టయం ప్రతిదినం పూజా హరేర్మానసి । సోఽయం సౌఖ్యమవాప్నుయాద్ద్యుతిధరం సాక్షద్ధరేర్దర్శనం వాసస్తేన మహావసానసమయే కైలాసలోకం గతా ॥ కరచరణకృతం వాక్కాయజం కర్మజం వా । శ్రవణనయనజం వా మానసం వాపరాధమ్ ॥ విదితమవిదితం వా సర్వమేతత్ క్షమస్వ । జయ జయ కరుణాబ్ధే శ్రీ మహాదేవ శమ్భో ॥