GANESHA · STOTRAM

Ganesha Kavacham

శ్రీగణేశకవచమ్

Ganesha Kavacham is a traditional Ganesha devotional reading. This page presents the full text of the linked Wikisource edition, with Telugu and IAST transliterations.

తెలుగు देवनागरी English (IAST)

శ్రీగణేశాయ నమః .. గౌర్యువాచ . ఏషోఽతిచపలో దైత్యాన్బాల్యేఽపి నాశయత్యహో . అగ్రే కిం కర్మ కర్తేతి న జానే మునిసత్తమ .. ౧.. దైత్యా నానావిధా దుష్టాః సాధుదేవద్రుహః ఖలాః . అతోఽస్య కణ్ఠే కించిత్త్వం రక్షార్థం బద్ధుమర్హసి .. ౨.. మునిరువాచ . ధ్యాయేత్సింహహతం వినాయకమముం దిగ్బాహుమాద్యే యుగే త్రేతాయాం తు మయూరవాహనమముం పఙ్బాహుకం సిద్ధిదమ్ . ద్వాపారే తు గజాననం యుగభుజం రక్తాఙ్గరాగం విభుమ్ తుర్యే తు ద్విభుజం సితాఙ్గరుచిరం సర్వార్థదం సర్వదా .. ౩.. వినాయకః శిఖాం పాతు పరమాత్మా పరాత్పరః . అతిసున్దరకాయస్తు మస్తకం సుమహోత్కటః .. ౪.. లలాటం కశ్యపః పాతు భృయుగం తు మహోదర . నయనే భాలచన్ద్రస్తు గజాస్యస్త్వోష్ఠపల్లవౌ .. ౫.. జిహ్వాం పాతు గణక్రీడశ్చిబుకం గిరిజాసుతః . వాచం వినాయకః పాతు దన్తాన్ రక్షతు విఘ్నహా .. ౬.. శ్రవణౌ పాశపాణిస్తు నాసికాం చిన్తితార్థదః . గణేశస్తు ముఖం కణ్ఠం పాతు దేవో గణఞ్జజయః .. ౭.. స్కన్ధౌ పాతు గజస్కన్ధః స్తనౌ విఘ్నవినాశనః . హృదయం గణనాథస్తు హేరంబో జఠరం మహాన్ .. ౮.. ధరాధరః పాతు పార్శ్వౌ పృష్ఠం విఘ్నహరః శుభః . లిఙ్గం గుహ్యం సదా పాతు వక్రతుణ్డో మహాబలః .. ౯.. గణక్రీడో జానుసఙ్ఘే ఉరూ మఙ్గలమూర్తిమాన్ . ఏకదన్తో మహాబుద్ధిః పాదౌ గుల్ఫౌ సదాఽవతు .. ౧౦.. క్షిప్రప్రసాదనో బాహూ పాణీ ఆశాప్రపూరకః . అఙ్గులీశ్చ నఖాన్పాతు పద్మహసోఽరినాశనః .. ౧౧.. సర్వాఙ్గాని మయూరేశో విశ్వవ్యాపీ సదాఽవతు . అనుక్తమపి యత్స్థానం ధూమ్రకేతుః సదాఽవతు .. ౧౨.. ఆమోదస్త్వగ్రతః పాతు ప్రమోదః పృష్ఠతోఽవతు . ప్రాచ్యాం రక్షతు బుద్ధీశ ఆగ్నేయాం సిద్ధిదాయకః ..౧౩.. దక్షిణాస్యాముమాపుత్రో నైరృత్యాం తు గణేశ్వరః . ప్రతీచ్యాం విఘ్నహర్తాఽవ్యాద్వాయవ్యాం గజకర్ణకః .. ౧౪.. కౌబేర్యాం నిధిపః పాయాదీశాన్యామీశనన్దనః . దివాఽవ్యాదేకదన్తస్తు రాత్రౌ సన్ధ్యాసు విఘ్నహృత్ .. ౧౫.. రాక్షసాసురవేతాలగ్రహభూతపిశాచతః . పాశాఙ్కుశధరః పాతు రజఃసత్త్వతమః స్మృతిః .. ౧౬.. జ్ఞానం ధర్మం చ లక్ష్మీం చ లజ్జాం కీర్తి తథా కులమ్ . వపుర్ధనం చ ధాన్యం చ గృహాన్దారాన్సుతాన్సఖీన్ .. ౧౭.. సర్వాయుధధరః పౌత్రాన్ మయూరేశోఽవతాత్సదా . కపిలోఽజాదికం పాతు గజాశ్వాన్వికటోఽవతు .. ౧౮.. భూర్జపత్రే లిఖిత్వేదం యః కణ్ఠే ధారయేత్సుధీః . న భయం జాయతే తస్య యక్షరక్షఃపిశాచతః .. ౧౮.. త్రిసన్ధ్యం జపతే యస్తు వజ్రసారతనుర్భవేత్ . యాత్రాకాలే పఠేద్యస్తు నిర్విఘ్నేన ఫలం లభేత్ .. ౨౦.. యుద్ధకాలే పఠేద్యస్తు విజయం చాప్నుయాద్ద్రుతమ్ . మారణోచ్చాటకర్షస్తమ్భమోహనకర్మణి .. ౨౧.. సప్తవారం జపేదేతద్దినానామేకవింశతిమ్ . తత్తత్ఫలవాప్నోతి సాధకో నాత్రసంశయః ..౨౨.. ఏకవింశతివారం చ పఠేత్తావద్దినాని యః . కారాగృహగతం సద్యోరాజ్ఞా వధ్యం చ మోచయేత్ .. ౨౩.. రాజదర్శనవేలాయాం పఠేదేతత్త్రివారతః . స రాజసం వశం నీత్వా ప్రకృతీశ్చ సభాం జయేత్ .. ౨౪.. ఇదం గణేశకవచం కశ్యపేన సమీరితమ్ . ముద్గలాయ చ తేనాథ మాణ్డవ్యాయ మహర్షయే .. ౨౫.. మహ్యం స ప్రాహ కృపయా కవచం సర్వసిద్ధిదమ్ . న దేయం భక్తిహీనాయ దేయం శ్రద్ధావతే శుభమ్ .. ౨౬.. యస్యానేన కృతా రక్షా న బాధాస్య భవేత్క్వచిత్ . రాక్షసాసురవేతాలదైత్యదానవసమ్భవా .. ౨౭.. ఇతి శ్రీగణేశపురాణే ఉత్తరఖణ్డే బాలక్రీడాయాం షడశీతితమేఽధ్యాయే గణేశకవచం సమ్పూర్ణమ్

Reading & reflection

Ganesha hymns are often read at the beginning of a new undertaking. Settle your attention before reciting, and allow a brief pause at the end of each verse.

Text edition & attribution

Complete text of श्रीगणेशकवचम् on Sanskrit Wikisource, revision 38086, contributed by Wikisource editors. Text and generated transliterations are shared under CC BY-SA 4.0.

Changes: interface material removed, spacing normalized, and Telugu and IAST transliterations generated. The source may contain transcription variants; automated transliterations have not been independently proofread. No source verses have been intentionally shortened.